Dawa ya Cephradine

Cephradine ni aina ya dawa ambayo ipo kwenye kundi la kwanza la antibayotiki ya Cephalosporin. Dawa hii hutumika kupambana na Maambukizi mbalimbali kwenye mwili.Dawa hii huwa maarufu kwa majina ya Intracef na Velocef

Fomu na rangi ya Cephradine

Rangi ya dawa ni nyeupe lakini mara nyingi hutegemea aina ya kiwanda kinachotengeneza Cephradine hupatikana katika fomu ya tembe na kidonge vyenye uzito wa milligramu zifuatazo: Tembe

• 250 mg • 500 mg • 750 mg Kidonge

• 250 mg • 500 mg

Namna Cephradine inavyofanya kazi

Dawa hii hufanya kazi kwa kuzuia ukuaji wa bakteria kwa kuzuia utengenezaji wa peptidoglacan ambayo huunda ukuta wa seli kwenye bakteria ,Kwa kufanya hivyo hupelekea kufa kwa bakteria

Dawa zilizo kwenye kundi moja la Cephradine

• Cefazolin • Cefadroxil • Cephalothin • Cephapirin • Cephalexin

Kazi ya Cephradine

• Hutumika kwenye matibabu ya wagonjwa wenye pharyngitis • Hutumika kwenye matibabu ya Maambukizi ya mfumo wa mkojo • Hutumika kwenye matibabu ya Maambukizi kwenye sikio

Dawa usizopaswa kutumia pamoja na Cephradine

Dawa hii haipaswi kutumika pamoja na dawa zifuatazo; • Argatroban • Bivalirudin • Dalteparin • Enoxaparin • Fondaparinux • Heparin • Warfarin • Bazedoxifene • Dienogest • Estradiol • Ethinylestradiol • Probenecid

Wagonjwa wasiopaswa kutumia Cephradine

Dawa hii haipaswi kutumika kwa wagonjwa wafuatao • Wagonjwa wenye aleji na dawa hii au jamii ya dawa za cephalosporin

Tahadhari kwa watumiaji wa Cephradine

• Dozi yake inapaswa kupunguzwa kwa mgonjwa mwenye shida ya figo • Matumizi ya muda mrefu huweza kupelekea fangasi kwenye mwili

Matumizi ya Cephradine kipindi cha ujauzito

• Dawa hii ipo kwenye kundi B la usalama kwa mama mjamzito • Dawa hii inaweza kutumika kwa mama mjamzito ,Tafiti za wanyama hazionyeshi hatari yeyote kwa mjamzito

Mtumizi ya Cephradine kwa mama anayenyonyesha

Inaweza kutumika kwa mama anayenyonyesha sababu hakuna madhara yeyote yaliyoripotiwa

Maudhi ya dawa Cephradine

Baadhi ya maudhi madogo ya dawa hii ni; • Maumivu ya tumbo • Kichefuchefu • Kutapika • Kuharisha • Homa

Endapo umesahau dozi ya Cephradine

Je endapo utasahau dozi yako ufanyaje? Endapo ukisahau kutumia dozi yako tumia mara pale utakapokumbuka na endapo muda wa dozi nyingine umekaribia acha dozi uliyoisahau na endelea na dozi yako kama ulivyopangiwa na daktari wako