Dawa ya Isavuconazole

Isavuconazole ni dawa mojawapo ya kutibu magonjwa ya fangasi iliyoko katika kundi la dawa linaloitwa antifangasi aina ya Triazole. Dawa hii huwa maarufu pia kwa jina la Cresemba

Fomu na uzito wa Isavuconazole

Isavuconazole hupatikana katika mfumo wa tembe yenye uzito wa •186mg Isavuconazole hupatikana katika mfumo wa sindano wenye uzito wa

• 372mg/ml

Namna Isavuconazole inavyofanya kazi

Dawa hii hufanya kazi zake kwa kuingilia kimeng'enya kinachoitwa saitokromu P-450 ambacho ni muhimu kwa ubadilishaji wa lanosteroli kwenda homoni ergosteroli. Hii inasababisha kupunguza utengenezaji wa ergosteroli, kiungo muhimu katika seli ya fangasi na hivyo kuongeza upenyezaji vitu visivyotakiwa kuingia ndani ya seli ya fangasi na hivyo kufanya zisiendelee kuzaliaana na kufa

Dawa kundi moja na Isavuconazole

Dawa hii ipo katika kundi sawa na dawa zifuatazo: • Fluconazole, • Itraconazole, • Posaconazole • Posaconazole • Efinaconazole • Voriconazole

Kazi za Isavuconazole

Hutumika kwenye matibabu ya maradhi ya fangasi.

Dawa zisizopaswa kutumia pamoja na Isavuconazole

Dawa hii haipaswi kutumika pamoja na dawa zifuatazo; • Ecorafenib • Venetoclax

Wagonjwa wasiopaswa kutumia Isavuconazole

Dawa hii haipaswi kutumika kwa wagonjwa wafuatao: • Wagonjwa wenye aleji na dawa hii au jamii ya dawa za Antifangasi • Wagonjwa wenye Magonjwa ya Ini

Utofauti wa Isavuconazole na dawa zingine kwenye kundi moja

Utofauti wa pekee wa dawa hii na dawa zingine za kwenye kundi hili la (antifangasi aina ya Triazole): • Dawa hii hutolewa mwili kwa njia ya kinyesi kwa asilimia kubwa na kwa njia ya mkojo. • Dawa hii nusu ya maisha ya dawa hii ni masaa 130 tangia utumie dawa kunywa kwenye mwili.

Matumizi ya Isavuconazole kwa mama mjamzito

Dawa hii hushauriwa kutumika kwa hali ya hatari ambapo hamna dawa nyingne mbadala wakati wa kipindi cha ujauzito.Tafiti kwa wanyama zinaonyesha kuwa dawa hii inayo madhara madogo kulinganisha na tafiti za kwa binadamu zinazoonyesha kuwa hakuna madhara yeyote

Matumizi ya Isavuconazole kwa mama anayenyonyesha

Takwimu Zinaonyesha kuwa kuna uwezekano wa hii dawa kuingia kwenye maziwa ya mtoto hivyo inashauriwa isitumike kwa wamama wanaonyonyesha.

Maudhi ya Isavuconazole

Baadhi ya maudhi madogo yanyoweza kujitokeza kwa kutumia dawa hii ni pamoja na : • Kichefuchefu • Kutapika • Maumivu ya tumbo na kichwa • Kizunguzungu • Kuharisha • Kukosa hamu ya kula • Maumivu ya mgongo na kifua • Kuwa na choo kigumu

Je endapo utasahau dozi yako ufanyaje?

Endapo ukisahau kutumia dozi yako, tumia mara pale utakapokumbuka, na endapo muda umekaribia wa dozi nyingine acha dozi uliyosahau na endelea na dozi yako inayofuata kama ulivyopangiwa na daktari wako.