Dawa ya Tavaborole

Tavaborole ni dawa mojawapo ya kutibu magonjwa ya fangasi iliyoko katika kundi la dawa linaloitwa antifangasi. Dawa hii huwa maarufu pia kwa jina la Kerydin

Fomu na uzito wa dawa

Tavaborole hupatikana katika mfumo wa maji wenye ujazo wa Miligramu 43.5 kwa mililita yenye kiini cha dawa kwa asilimia 0.5

Dawa hii hutumiwa kwa kupaka kwenye eneo lililoathiriwa nafangasi

Namna Tavaborole inavyofanya kazi

Dawa hii hufanya kazi zake kwa kuzuia Protini ya seli ya fangasi kutengenezwa kwa kuzuia kimeng’enya cha Aminoacyl-transfer ribonucleic acid (tRNA) Synthetase (AARS) kufanya kazi yake ya kuzalisha vijenzi vya kuta ya seli ya fangasi hivyo kufanya seli ya fangasi kuwa dhaifu na hatimaye kufa.

Dawa zilizo kundi moja na Tavaborole

Dawa hii ipo katika kundi sawa na dawa zifuatazo:

• Amphotericin B

• Butoconazole

• Capsofungin

• Ciclopiro

• Econazole

• Flucytosine

• Griseofulvin

• Itraconazole

• Miconazole

• Naftifine hydrochloride

• Nystatin

• Oxiconazole nitrate

• Sulconazole nitrate

• Terbinifine

• Terconazole

• Tioconazole

• Tolnaftate

• Voriconazole

Kazi ya Tavaborole

Hutumika kwenye matibabu ya maradhi ya fangasi.

Wagonjwa wasiopaswa kutumia Tavaborole

Dawa hii haipaswi kutumika kwa wagonjwa wafuatao:

Wagonjwa wenye aleji na dawa hii au jamii ya dawa za Antifangasi

Matumizi ya Tavaborole kwa mama mjamzito

Dawa hii bado haijapewa kundi la usalama wa dawa kipindi cha ujauzito

Dawa hii inaweza kutumika endapo itahitajika sana kwa mama mjamzito bila kuwepo kwa dawa nyingine mbadala

Matumizi yaTavaborole kwa mama anayenyonyesha

Hakuna takwimu zinazoonyesha kuwa dawa hii hutolewa kwenye maziwa ,Inaweza kutolewa kwa tahadhari

Maudhi ya Tavaborole

Baadhi ya maudhi madogo ya dawa hii ni pamoja na :

Maumivu ya sindano

Kupata vipele

Ukisahau dozi ya Tavaborole

Je endapo utasahau dozi yako ufanyaje?

Endapo ukisahau dozi yako, tumia mara pale utakapokumbuka, na endapo muda umekaribia wa dozi nyingine acha dozi uliyosahau na endelea na dozi yako kama ulivyopangiwa na daktari wako.