top of page

Mwandishi:

Dkt. Sospeter M, MD

Mhariri:

Dkt. Lugonda B, MD

9 Agosti 2020 16:47:08

Dawa ya Tolnaftate

Dawa ya Tolnaftate

Tolnaftate ni dawa mojawapo ya kutibu magonjwa ya fangasi iliyopo katika kundi la dawa linaloitwa antifangasi. Dawa hii huwa maarufu pia kwa majina ya tinactin na aftate. Rangi yake huwa ni nyeupe lakini hutegemea aina ya kiwanda kinachotengeneza.


Fomu ya dawa Tolnaftate


Tolnaftate hupatikana kwenye fomu ya mafuta yenye asilimia 1 ya kiini cha dawa


Namna Tolnaftate inavyofanya kazi ili kutibu fangasi


Dawa ya tolnaftate ni aina ya dawa ambayo hufanya kazi kwa kufungamana na steroli (ergosteroli) kwenye seli ya fangasi. Kwa kufanya hivi hutengeneza matobo kwenye ukuta wa seli ya fangasi na kufanya ukuta wa seli kuwa na uzaifu ambapo hupelekea kuharibika kwa seli.


Dawa zilizo kundi sawa na Tolnaftate


  • Amphotericin B

  • Butoconazole

  • Capsofungin

  • Ciclopiro

  • Econazole

  • Flucytosine

  • Griseofulvin

  • Itraconazole

  • Miconazole

  • Naftifine hydrochloride

  • Oxiconazole nitrate

  • Sulconazole nitrate

  • Terbinifine

  • Terconazole

  • Tioconazole

  • Tolnaftate

  • Voriconazole


Kazi za Tolnaftate


  • Hutumika kwenye matibabu ya maradhi ya fangasi mwilini kutokana na maradhi ya ngozi yanayosababishwa na Tinea Corporis na pedis

  • Fangasi kwenye miguu (athlete's)

  • Miwasho ya jock itch

  • Na mashilingi kichwani (maambukiziya ringworms)


Wagonjwa wasiopaswa kutumia Tolnaftate


Wagonjwa wenye aleji na dawa hii au jamii ya dawa za Antifangasi


Matumizi ya Tolnaftate kwa mama mjamzito


Dawa hii hushauriwa kutumika kwa hali ya hatari ambapo hamna dawa nyingne mbadala wakati wa kipindi cha ujauzito.Tafiti kwa wanyama zinaonyesha kuwa dawa hii inayo madhara madogo kulinganisha na tafiti za kwa binadamu zinazoonyesha kuwa hakuna madhara yeyote


Matumizi ya Tolnaftate kwa mama mjamzito na anayenyonyesha


Hakuna takwimu zinazoonyesha kuwa dawa hii hutolewa kwenye maziwa ,Inaweza kutolewa kwa tahadhari kwa mama anayenyonyesha.


Maudhi ya Tolnaftate


Baadhi ya maudhi madogo ya dawa hii ni pamoja na :


  • Kuwashwa ngozi


Je endapo utasahau dozi yako ya Tolnaftate ufanyaje ?


Endapo ukisahau kutumia dozi yako, tumia mara pale utakapokumbuka, na endapo muda umekaribia wa dozi nyingine acha dozi uliyosahau na endelea na dozi yako kama ulivyopangiwa na daktari wako

ONYO: Usitumie dawa yoyote bila ushauri wa daktari. Dawa zinaweza kuleta madhara mwilini na pia matumizi ya baadhi ya dawa pasipo ushauri na vipimo husababisha  vimelea kuwa sugu dhidi ya dawa hiyo.
ULY clinic inakushauri kuwasiliana na daktari wako unapotaka kuchukua maamuzi yoyote yanayohusu afya yako.
Wasiliana na daktari/Mfamasia wa ULY clinic kwa ushauri na Tiba au kuandikiwa dawa kwa kupiga simu au Kubonyeza Pata tiba chini ya tovuti hii.

Imeboreshwa,

23 Julai 2023 16:55:27

Rejea za mada hii:-

bottom of page