Eplerenone

Eplerenone ni dawa mojawapo ya kutibu shinikizo la juu la damu Iliyo kwenye kundi la dawa linaloitwa Potasiamu sparing diuretic. Dawa hii huwa maarufu kwa jina la Inspra

Rangi ya dawa ni nyeupe na njano lakini mara nyingi hutegemea aina ya kiwanda kinachotengeneza

Hakikisha unakunywa dawa hii kama ulivyoshauriwa na daktari wako kila siku na kwa kiwango cha dozi uliyopewa.

Eplerenone hupatikana katika mfumo wa kidonge chenye uzito wa milligramu zifuatazo:

• 25 mg

• 50 mg

Namna dawa inavyofanya kazi ili kupunguza shinikizo la damu

Dawa jamii ya Potassium Sparing Diuretic ikiwa pamoja na Eplerenone hufanya kazi zifuatazo ili kupunguza shinikizo la damu ;

Hufanya kazi kwa kuzuia utendaji kazi wa homoni ya Aldosterone ambayo hufanya kazi ya kuthibiti kiasi cha sodiamu na maji kwenye damu. Kuzuia utendaji kazi wa homonihii husababisha kupotea kwa maji na chumvi mwilini hivyo kupunguza kiwango cha damu katika mishipa ya dam una shinikizo la damu ndani ya mishipa pia hupungua kutokana na kupungua kiwango cha maji. Dawa hii pia huzuia kupotea kwa kiwango cha potasiamu kwenye damu, hii ndo maana jinala kundi hili limeitwa potasiamu sparing duretics

Dawa zingine zilizo kwenye kundi moja na dawa hii ni;

• Triamterene

• Amiloride

• Spironolactone

Kazi ya dawa

• Hutumika kushusha shinikizo la damu kwa wagonjwa wenye shinikizo la juu la damu

Utofauti wa pekee wa dawa hii na dawa zingine za kwenye kundi hili ni;

• Huwa na maudhi madogo madogo machache ukilinganisha na dawa zingine kwenye kundi hili

Dawa hii haipaswi kutumika pamoja na dawa zifuatazo;

• Amiloride

• Apalutamide

• Diltiazem

• Drospirenone

• Idelalisib

• Isoniazid

• Drospirenone

• Idelalisib

• Ketoconazole

• Lofexidine

• Potassium acid phosphate

• Potassium Chloride

• Spironolactone

• Triamterene

• Voxelotor

Dawa hii haipaswi kutumika kwa wagonjwa wafuatao

• Wagonjwa wenye mzio na dawa hii au zingine katika kundi lake

• Wagonjwa wenye haipakalemia

• Haipaswi kutolewa pamoja na dawa yeyote ya Potassium Sparing Diuretic

• Wagonjwa wenye figo iliyoferi na magonjwa sugu ya ini

Tahadhari ya dawa hii

• Dawa hii huweza kupelekea kupoteza kwa madini mwilini

• Inapaswa kutumika kwa tahadhari kwa wagonjwa wenye matatizo ya ini na figo

• Hatari ya mgonjwa kupata haipakalemia

Kundi la dawa kipindi cha ujauzito

Dawa hii ipo kundi B la usalama wa dawa kipindi cha ujauzito

Kwa mama mjamzito

Dawa hii inaweza kutumika kwa mama mjamzito sababu tafiti zilizofanyuka kwa wanyama zinaonyesha hakuna hatari yeyote kwenye ujauzito.

Kwa mama anayenyonyesha

Hakuna taarifa kuhusu dawa hii kuingia kwenye maziwa ya mama, lakini tafiti za wanyama zinaonyesha uwepo wa dawa hii kwenye maziwa ya panya hivyo inapaswa kutumika kwa tahadhari endapo faida ni nyingi kupita hatari kwa mtoto

Baadhi ya maudhi madogo ya dawa hii ni;

• Haipakalemia

• Kukosa hamu ya kula

• Kichwa kuuma

• Kichefuchefu

• Maumivu ya tumbo

• Kukohoa

• Kukohoa

• Kizunguzungu

• Kuchoka

Mengine yanayofanyika Mwilini

Dawa hii baada ya kutumiwa huanza kufanya kazi ndani ya saa 1 hadi 2 na kudumu kwenye damu kwa masaa 3 hadi 6. Mabaki ya dawa hutolewa kwa njia ya Mkojo kwa asilimia 67 na kinyesi kwa asilimia 32.

Je endapo utasahau dozi yako ufanyaje?

Endapo ukisahau kunywa dozi yako kunywa mara pale utakapokumbuka na endapo muda wa dozi nyingine umekaribia acha dozi uliyoisahau na endelea na dozi yako kama ulivyopangiwa na daktari wako