Exenatide

Exenatide ni dawa mojawapo ya kutibu ugonjwa wa kisukari aina ya pili iliyopo kwenye kundi la dawa linaloitwa Glucagon like peptide 1 Agonisti. Dawa hii huwa maarafu pia kwa jina la Byetta.

Hakikisha unachoma Sindano kama ulivyoshauriwa na daktari wako kila siku na kwa kiwango cha dozi uliyopewa, Sindano hii huchomwa kwenye mapaja, tumbo au sehemu ya juu ya mkono. Ni vyema kubadilisha eneo la kuchoma sindano kwenye ngozi ili kuepuka madhara ya kuchoma sehemu moja.

Sindano huchomwa mara mbili kwa siku. Mara ya kwanza ni ndani ya dakika 60 kabla ya chai au chakula cha asubuhi na jioni ni ndani ya dakika 60 kabla ya chakula cha jioni. Exenatide haipaswi kutumika pamoja na chakula sababu haitafanya kazi vizuri

Fomu na uzito

Exenatide hupatikana katika mfumo wa maji kwa ajili ya sindano katika uzito wa;

• 250mcg/mL

• 250mcg/mL

Ufanyaji kazi

Exenatide hufanya kazi kwa kuchochea kongosho kuzalisha homoni ya Insulin mara kiwango cha sukari kinapoongezeka kwenye damu.

Homoni ya Insulin husaidia seli za mwili kutumia na kuhifadhi sukari na hivyo kuiondoa kwenye dmau. Kufanya hivi kiwango cha sukari hupungua sana kwenye damu.

Dawa kundi moja

Dawa zingine zilizo kwenye kundi moja na Exenatide ni;

• Liraglutide

• Taspoglutide

• Lixisenatide

• Semaglutide

• Dulaglutide

Exenatide hutibu nini?

Exenatide hutumika kudhibiti kiasi cha sukari kwa Wagonjwa wa kisukari aina ya pili. Huweza kutumika yenyewe au kwa muunganiko pamoja na dawa jamii ya sulphonylurea au biguanide

Endapo kiwango cha usafishaji wa Creatinine mwilini ni chini ya kiasi cha mililita 30 kwa dakika, dawa hii isitumike.

Upekee wa Exenatide

Utofauti wa pekee wa dawa hii na dawa zingine za kwenye kundi hili la (GlP1 Inhibitor);

Sindano hii hutolewa mara mbili kwa siku tofauti na dawa zingine kwenye kundi hili

Haina nguvu sana ya kufanya kazi ukilinganisha na dawa zingine kwenye kundi hili

Matumizi ya Exenatide na dawa zingine

Dawa hii inapaswa kufuatiliwa kwa ukaribu inapotumika na dawa zifuatazo;

• Glimepiride

• Fosinopril

• Fosamprenavir

• Fludrocortisone

• Etonogestrel

• Ethinylestradiol

• Estropipate

• Estradiol

• Eprosartan

• Enalapril

• Drospirenone

• Dexamethasone

• Desogestrel

• Darunavir

• Cortisone

• Clozapine

• Cinnamon

• Chlorthalidone

• Chlorpropamide

• Chlorothiazide

• Captopril

• Candesartan

• Betamethasone

• Benazepril

• Bazedoxifene

• Azilsartan

• Asenapine

• Aripiprazole

• Acetaminophen

• Acarbose

Wagonjwa wasiopaswa kutumia Exenatide

Dawa hii haipaswi kutumika kwa wagonjwa wafuatao:

Wagonjwa wenye aleji na dawa hiyo

Kama mgonjwa ana historia ya kupata saratani ya tezi ya thairoidi

Mwenye shida ya figo

Tahadhari ya Exenatide

• Sio mbadala wa Insulin

• Haipaswi kutumika kwa mtu mwenye kisukari aina ya kwanza

• Huweza kupelekea kuvimba kwa kongosho

• Huweza kupelekea figo kushindwa kufanya kazi

• Huweza kupunguza uzito hasa kwa wazee

Matumizi ya Exenatide kwa mama mjamzito

Inapaswa kutumika kwa tahadhari endapo faida ni kubwa kuliko madhara kwa mtoto.

Hakuna taarifa za uwepo wa dawa hii kwenye maziwa ya mama wakati wa kunyonyesha

Matumizi ya Exenatide kwa mama anayenyonyesha

Katika tafiti za panya inaonyesha uwepo wa dawa hii kwenye maziwa ya panya aliyepewa dawa kwenye kipindi cha kunyonyesha hivyo dawa hii inapaswa kutumika kwa tahadhari kwa mama anayenyonyesha kama faida ni kubwa kuliko madhara kwa mtoto.

Maudhi ya Exenatide

Baadhi ya maudhi madogo ya dawa ni;

• Uvimbe kwenye sehemu iliyochomwa sindano

• Kichefuchefu

• Kutapika

• Kuharisha

• Choo kuwa kigumu

• Maumivu ya kichwa

• Kizunguzungu

• Maumivu ya misuli

Je endapo utasahau dozi yako ufanyaje?

Endapo ukisahau kuchoma dozi yako tumia pale utakapokumbuka na endapo muda wa dozi nyingine umekaribia acha dozi uliyoisahau na endelea na dozi yako kama ulivyopangiwa na daktari wako