Truvada

Dawa hii ni muunganiko wa dawa mbili ambazo ni Tenofovir na Emtricitabine (FTC). Truvada ni dawa mojawapo ya kudhoofisha makali ya Virusi vya UKIMWI (ART) na ni muunganiko wa dawa mbili zilizo kwenye makundi ya NRTIs na NtRTIs

Truvada itumike na chakula?

Truvada inaweza kutumika pamoja au pasipo chakula.

Truvada hutibu nini?

Dawa hii huwa na kazi ya

• Kupunguza hatari ya kupata UKIMWI kwa watu waliokwisha jihatarisha. Mifano ya makundi haya ni watu wanaojiuza miili kwa ngono, mashoga, wanaojiduga madawa ya kulevya n.k. kumbuka mgonjwa anatakiwa kuwa hana VVU ili kutumia Truvada. Pia dawa hii haitibu/haizuii kupata maambukizi ya zinaa wala ujauzito

• Kutibu mgonjwa mwenye homa ya Ini na HIV-1 kwa pamoja

• Mgonjwa anapaswa kutumia dawa hii kama ambavyo atakavyoelekezwa na daktari

Dawa zisizopaswa kutumika na Truvada

Truvada haipaswi kutumika pamoja na dawa zifuatazo:

• Abacavir

• Acyclovir

• Diclofenac

• Efavirenz

• Zidovudine

• Nevirapine

• Ibuprofen

• Ganciclovir

• Ribavirin

• Lamivudine

Wagonjwa wasiopaswa kutumia Truvada

Haipaswi kutumika kwa wagonjwa wafuatao;

• Wenye mzio na dawa hii

• Ambao bado hawajui hali yao ya maambukizi ya VVU au kwa mtu mwenye UKIMWI

Angalizo

Inapaswa kutumika kwa uangalifu kwa wagonjwa wafuatao:

• Ini zilizovimba sana

• Haipaswi kuchanganywa na dawa zingine zenye Emtricitabine au Tenofovir

Matumizi ya Truvada kwa mama mjamzito

Tafiti zinaonyesha kuwa Truvada haina madhara kwa mtoto wakati wa ujauzito

Matumizi ya Truvada kwa mama anayenyonyesha

Tafiti zinaonyesha kuwa Truvada hupita na kuingia kwenye maziwa lakini haina madhara kwa mtoto.

Maudhi ya Truvada

Baadhi ya maudhi madogo ya Truvada ni pamoja na:

• Kuchoka

• Kichwa kuuma

• Vipele

• Kichefuchefu

• Kutapika

• Kizunguzungu

• Misuli kukosa nguvu

• Ndoto zisizo za kawaida

• Tumbo kuuma

• Kukosa usingizi

• Kizunguzungu

Endapo umesahau dozi yako ya Truvada ufanyaje?

Dawa hii hutumika kwa mchanganyiko pamoja na dawa zingine za kuthibiti HIV endapo utasahau dozi yako, tumia muda uliokumbuka na Kuendelea na muda huo siku inayofuata kama ulivyoelekezwa na daktari wako.