Dalili za kujifungua

Makala hii imezungumzia kuhusu dalili za Kujifungua: mambo muhimu kwa mama Mjamzito kufahamu

Kujifungua ni hatua ya mwisho katika safari ya ujauzito. Kwa kawaida, hutokea kati ya wiki ya 37 hadi 42 ya ujauzito. Ni muhimu kwa mama mjamzito na wale wanaomsaidia kufahamu dalili za awali za leba ili kupata huduma ya haraka na salama kutoka kwa wataalamu wa afya.

Dalili kuu za kuashiria kujifungua karibuni

1. Maumivu ya Mgongo na Tumbo ya Mara kwa Mara

Maumivu haya huanzia chini ya tumbo au mgongoni, huja na kuondoka kwa mpangilio wa dakika chache hadi kila baada ya dakika tano. Kadri muda unavyosonga, uchungu huzidi kuongezeka kwa nguvu na kufuatana kwa karibu zaidi.

2. Kuvuja kwa Maji (Kupasuka kwa chupa)

Kuvuja kwa maji yasiyo na harufu mbaya, yanayofanana na maji safi au yenye rangi ya majivu ni ishara ya kupasuka kwa chupa. Hii ni dalili kuwa mtoto yuko tayari kuzaliwa, na mama anapaswa kufika hospitali mara moja.

3. Kutoka kwa ute uliochanganyika na damu

Ute mzito wa ukeni uliochanganyika na damu kidogo huonyesha kuwa shingo ya kizazi imeanza kufunguka na mama yuko karibu kuingia katika leba.

4. Shingo ya kizazi kufunguka

Wataalamu wa afya hutumia njia ya kuchunguza kwa mikono au vifaa maalumu kuona kama shingo ya kizazi inafunguka. Ufunguzi wa sentimita 10 huashiria mama yuko tayari kujifungua.

5. Mtoto kushuka kwenye nyonga

Mama huhisi kama pumzi imepata wepesi zaidi kwa sababu mtoto ameshuka kuelekea kwenye pnyonga, na pia tumbo la ujauzito hupungua kiasi. Hali hii huambatana na kuongezeka kwa haja ndogo.

6. Maumivu ya kiuno, kutotulia, na kuharisha

Mwili hujiandaa kujifungua kwa kutoa homoni zinazosababisha tumbo kusafishwa kwa njia ya kuhara au kupata choo laini.

Dalili zinazohitaji huduma ya haraka hospitalini

• Maji kuvuja bila maumivu ya uchungu kwa muda mrefu.

• Kutokwa na damu nyingi kuliko hedhi.

• Kupungua kwa harakati za mtoto tumboni.

• Maumivu makali yasiyoisha au yanayokuja mara kwa mara bila mpangilio.

• Dalili za shinikizo la juu la damu (homa, kichwa kuuma sana, kutoona vizuri).

  
  

Ushauri kwa mama mjamzito

• Fuatilia leba: Andika muda wa kuanza kwa maumivu na mara yanapojirudia.

• Pakia begi la kujifungulia mapema: Lijumuishe nguo za mtoto, leseni ya kliniki, kadi ya bima, na vifaa vya usafi.

• Wasiliana na mkunga au daktari endapo una mashaka au unapata dalili zozote zisizoeleweka.

• Pata msaada wa kihisia kutoka kwa familia au rafiki unayemwamini.

Maswali yaulizwayo mara kwa mara