Kujifungua kabla ya wakati

Kujifungua kabla ya wakati ni pale mtoto anapozaliwa mapema zaidi kabla ya wiki 37 ya ujauzito. Kwa kawaida ujauzito hudumu kwa wiki 40.

Watoto wanaozaliwa kabla ya wakati wengi wao hupata matatizo ya kiafya ambayo hutofautiana kulingan ana wiki aliyozaliwa mtoto.

Dalili

Watoto wanaotokana na kujifungua kabla ya wakati wanaweza kupata baadhi ya dalili kama vile:

• Mwili kuwa mdogo ukifananisha na kichwa

• Ukuwa na vinyweleo mwilini

• Joto la mwili kuwa la chini

• Kupumua kwa shida

• Kunyonya kwa shida

Vihatarishi

Mara nyingi huwa havifahamiki, hata hivyo kuna baadhi ya vitu vinaweza kuongeza hatari hiyo ambavyo ni:

• Ujauzito wa mapacha wawili au zaidi

• Kupishanisha ujauzito chini ya miezi sita

• Kupata matibabu ya kusaidia kupata jauzito

• Kutumia uzazi saidizi kama vile kuchavusha mayai kwenye chupa kabla ya kupandikizikwa kwenye kizazi

• Kuwa na historia ya kutoka mimba

• Kuwa na historia ya kujifungua kabla ya wakati

Baadhi ya matatizo yanayoweza kuongeza hatari ya kujifugnua kabla ya wakati ni:

• Matatizo kwenye kizazi, shingo ya kizazi au kondo la nyuma

• Maambukizi kwenye kifuko cha mimba

• Maambukizi kwenye mfumo via vya nje vya uzazi

• Magonjwa kama kisukari na shinikizo la juu la damu

• Ajali au majeraha kwenye mwili

• Staili za maisha zinazoweza kuongeza hatari ya kujifungua kabla ya wakati ni:

• Kuvuta sigara

• Kutumia madawa ya kulevya

• Kunywa pombe mara kw amara au kwa kupitiliza wakati wa ujauzito

• Kuwa na uzito mdogo au mkubwa kabla ya kupata ujauzito

• Kupata ujauzito kabla ya miaka 17 au zaidi ya miaka 35

• Kupitia kipindi cha msongo mkali kama vile ndugu wa kaibu kufa au ukatili

Kwa ujumla wanawake waliojifungua kabla ya wakati huwa hawana visababishi vinavyofahamika.

Madhara ya kujifungua kabla ya wakati

Si watoto wote wanaozaliwa kabla ya wakati hupata madhara kutokana na kitendo hiko. Hata hivyo kujifungua mapema zaidi kabla ya wakati huabatana na matatizo makuwa katika maisha. Uzito wa mtoto wakati wa kuzaliwa huwa na maana kubwa wa madhara yanayoweza kupatikana kwa mtoto. Mtoto mwenye uzito mkuwa huwa na madhara kiasi. Na baadhi ya matatizo yanaweza kutoka siku kadhaa baada ya kujifungua.

Madhara ya muda mfupi

Haa hutokea baada ya kujifungua  ambao hujumuisha

• Matazizo kwenye upumuaji

• Matatizo ya moyo

• Mtatizo ya ubongo

• Matatizo ya mwili kushindwa dhibiti joto

• Matatizo ya kushindwa kumeng’enya chakula

• Matatizo ya damu kama kuishiwa damu

• Matatizo ya umetaboli

• Matatizo ya mfumo wa kinga

Madhara ya muda mrefu

Madhara ya muda mrefu ni yale yanayotokea baadaye kidogo yanayojumuisha

• Mtindio wa ubongo

• Kushindwa kujifunza vema

• Matatizo ya kuona

• Matatizo ya kusikia

• Matatizo ya fizi na meno

• Matatizo ya kitabia na kiakili

• Matatizo endelevu ya kiafya kama pumu

Matabibu ya kujifungua kabla ya wakati

Matibabu kwa mtoto huwa saidizi kutibu dalili zinazoonekana mpaka mtoto atakapoweza kujitegmea kunyonya n.k. watoto hawa pia huwekwa kwenye chumba maalumu cha kutunzia watoto chenye joto.

Kinga ya kujifungua kabla ya wakati

Kutumia homoni progesterone wakati wa ujauzito kama una historia ya kujifungua kabla ya wakati. Huweza saidia wanawake wenye shingo fupi ya uzazi pia kupunguza hatari ya kujifungua kabla ya wakati.

Kushona shingo ya kiazazi kwa wanawake wenye tatizo hili baada ya kushauriwa na daktari.