Maumivu ya ulimi, matibabu ya nyumbani| ULY CLINIC

Maumivu ya ulimi yanaweza kusababishwa na hali au matatizo mbalimbali, maumivu yanaweza kuwa ya aina tofauti mfano kuhisi ulimi unawaka moto au kuchoma choma unapokuwa unakula au kunywa, mara unapoamka tu na yana kaa siku nzima, maumivu ya kuja na kuondoka au maumivu hayo kuwepo muda wote na pengine kudumu kwa miaka kadhaa.

Kwa kawaida maumivu kwenye ulimi yanaweza kusababishwa na maambukizi au majeraha kwenye ulimi. Majeraha yanaweza kutokana na mtu kujing’ata au kuumizwa na kitu. Wakati mwingine si rahisi kujua kama umepata jeraha kwenye ulimi. Majeraha ya ulimi yanaweza kupona baada ya siku kadhaa na hali ya maumivu kupotea.

​Soma mada hii zaidi kwenye makala ya "Maumivu ya ulimi’ ndani ya tovuti hii au kwa kutafuta mada juu ya kiboksi kilichoandikwa.

Mambo ya kufanya kutibu maumivu ya ulimi

Ili kutibu maumivu ya ulimi ukiwa nyumbani unaweza kufanya mambo yafuatayo;

• Acha kuvtumia sigara na pombe. Vitu hivi vimeonekana kusababisha maumivu ya ulimi kuongezeka na hisia za ulimu kuungua kuwa kali zaidi. hata hivyo dawa pia zenye mchanganyiko na kilevi ndani yake zinaweza kuamsha dalili hii, ni vema kuepuka pia kwa kwa kutumia dawa mbadala.

• Achana na dawa ya meno ambayo inaamsha maumivu ya ulimi. Endapo kila ukitumia dawa maumivu ya ulimi na hali ya kuhisi unaungua ulimi inaanza, ni vema ukaachana na dawa hizo, cha kufanya tumia njia mbadala ya dawa kama magadi soda kusafisha kinywa.

• Zuia kula vyakula vyenye viungo, pilipili, tindikali(ndimu, machungwa, maembe mabichi n.k) na vya moto- jizuie/punguza kutumia vyakula hivyo maana huamsha hali ya ulimi kuwaka moto.

• Kunywa maji ya baridi. Kutumia maji ya baridi kunatuliza hali ya ulimi kuwaka moto

• Tia kipande cha barafu mdomoni kisha ulirambe taratibu- Barafu ina ubaridi, hivyo hupunguza hisia za kuungua ulimi. Fanya hivi ili kupunguza au kuondoa maumivu.

• Fanya mazoezi na mambo unayopenda kufanya kwa ratiba maalumu, jichanganye na marafiki ili kuondoa msongo wa mawazo.