Pumu ya kifua (asthma) ni tatizo sugu la mfumo wa hewa linalotishia maisha. Mtu anaposhikwa na pumu mirija ya njia ya hewa husinyaa na hivyo kusabaisha hewa kutopita vema na kuingia kwenye damu. Hii husababisha kuonekana kwa dalili ya kifua kubana, hata hivyo kubana kwa njia ya hewa hupelekea kufanyika kwa uteute mwingi ambao pia huziba njia ya hewa na kupelekea dalili ya kushindwa kupumua kuwa kali zaidi. Mara nyingi asthma hutokea sana utotoni kwa sababu mfumo wa hewa huwa na mwitikio mkali kwenye mabadiliko ya mazingira na viamsha aleji kutoka kwenye mazingira.

Vitu vinavyoamsha pumu

• Poleni za maua

• Uchafuzi wa hewa

• Kubadilika kwa joto

• Mazoezi

Namna tatizo linavyotokea

Mfumo wa mapafu unapokutana na viasha aleji hivi kwenye mazingira husababisha mfumo wa hewa kuitikia kwa kuzalisha kemikali ambazo husababisha kuvimba na kutengeneza kwa uteute mwingi kwenye mirija ya hewa

Dalili za mshiko wa asthma

• Kutoa sauti za miruzi

• Kupumua kwa shida

• Kuhisi kifua kizito

• Kuongezeka kwa mapigo ua moyo na mishipa ya damu

• Kupata shida ya kupumua hewa nje

Kipindi cha mshiko wa asthma, mhanga anaweza kuishiwa nguvu kutokana na kutumia nguvu kupumua hivyo anaweza kupoteza fahamu, ngozi kubadilika rangi kuwa kama blue nyeusi haswa kwenye maeneo ya midomo, macho nan cha za vidole vya mikono. Dalili hizi humaanisha mshiko mkali wa astha.

Namna ya kutoa huduma ya kwanza kwa mgonjwa mwenye mshiko wa asthma

Msaidie mgonjwa akae kwenye pozi ambalo linamfanya apumue vema

Msaidi mgonjwa kutumia dawa zake za asthma haswa dawa ya kupuliza kwenye njia ya hewa

Mtie moyo na hakikisha unakagua viashiria vy uhai

Piga simu haraka iwezekanavyo kwa watoa huduma ya dharura namba 112 endapo

• Hakuna mabadiliko yoyote baada ya kutumia dawa ya asthma ya kupulizia mdomoni

• Mhanga hana dawa za asthma

• Unahofu kuhusu hali kali ya asthma

Usichelewe kutoa taarifa endapo unahofu kuhusu mhanga, hii ni kwa sababu mhanga huhitaji matibabu ya haraka ili kuzuia madhara yanayoweza kutokea hivyo piga simu kwa huduma za dharura haraka Zaidi.

Namna dawa ya kupuliza ya asthma inavyofanya kazi

Wagonjwa wa athma kwa kawaida hutakiwa kutembea na dawa ya kupuliza(inhaler) ili endapo tatizo litatokea watumie dawa hiyo haraka iwezekanavyo. Dawa hii ya kupuliza huwa na kiini cha dawa kinachoitwa salbutamol, salbutamol hupunguza uvimbe na kufungua njia ya hewa hivyo kusababisha mgonjwa apate uahueni. Endapo una hitaji kufahamu Zaidi kuhusu namna ya kutumia dawa hii, soma katika Makala zingine zilizo kwenye blogi ya ulyclinic