Maumivu ya koo ni hali ya kupata hisia za kukwaruza, kukereketa, muwasho au maumivu ambayo mara nyingi huongezeka wakati wa kumeza.

Kisababishi kikuu cha maumivu ya koo ni michomo kwenye koo inayosababishwa na maambukizi ya virusi kama vile kirusi cha mafua au homa ya baridi.

Maumivu ya koo yanayosababishwa na virusi huisha yenyewe baada ya muda, wakati yale yanayosabaishwa na bakteria huhitaji matibabu ya dawa ili kuzuia madhara yanayoweza kutokea. Visababishi vingine vinaweza kuhitaji matibabu tata ambayo hutolewa hospitali.

Unapaswa kufahamu kisabaishi cha maumivu ya koo kwanza kabla ya kuanza kujitibu mwenyewe nyumbani, endapo utafanya huduma ya kwanza nyumbani, hakikisha unafika hospitali kwa uchunguzi ili upate matibabu sahihi.

Matibabu ya nyumbani ya maumivu ya koo

Bila kuzingatia kisababishi, maumivu ya koo yanaweza kutibiwa nyumbani ili kupunguza dalili kwa kufanya mambo yafuatayo:

Kupumzika vya kutosha.

Kwa kulala muda wa kutosha angalau masaa nane kwa usiku na kuacha kutumia koo kuongea sana au kuimba.

Kunywa maji ya kutosha

Maji hufanya koo liwe na unyevu wa kutosha na hivyo kulainika na kupunguza maumivu. Unaweza kutumia maji ya uvuguvugu pia kwa matokeo mazuri.

Vilevi na pombe

Kuacha kutumia kilevi na vinywaji vyenye kafeini ambavyo hukausha koo na kufanya dalili kuwa kali Zaidi.

Tumia vinywaji na vyakula vinavyotuliza koo

Tumia maji ya vuguvugu yenye asali isiyo na kafeini au kuweka vipande vya barafu kwenye koo kupunguza maumivu ya koo. Asali isitumike kwa mtoto chini yam waka 1.

Sukutua kwa maji chumvi au magani

Maji ya Magadi au chumvi husaidia kupunguza maumivu ya koo. Unaweza kutumia robo ya kijiko cha chai hasi nusu yake kwa kuweka kwenye maji ya glasi 1 ya maji ya kunywa yenye ujazo wa mililita 240

Watoto zaidi ya miaka 6 na watu wazima wanaweza kusukutua kwa maji haya na si walio chini ya umri huu.

Ongeza unyevu kwenye hewa

Kama hew ani kavu, utawapa maumivu ya koo kw akuvuta hewahiyo kavu, unaweza kutumia kifaa cha kuongeza unyevu kwenye unyevu ina kuruhusu hewa hiyo kuingia katika koo kwa kukaa dakika chache kwenye mvuke wake.

Tumia dawa ya kulainisha koo

Watoto wadogo chini ya miaka minne hawapaswi kutumia dawa aina hizi.

Epuka vikereketa koo

Epuka vikereketa koo kama vile sigara, kemikali za kufanyia usafi na kemikali zingine zinazokereketa koo.

Pumzika nyumbani mpaka utakapopona

Kufanya hivi kutazuia watu wengine kuambukizwa homa ya virusi vya mafua au baridi.