top of page

Mwandishi;

Mhariri:

Jaza jina na cheo cha mwandishi

Jumanne, 23 Machi 2021

Mdudu sikioni- Huduma ya kwanza
Mdudu sikioni- Huduma ya kwanza
Mdudu sikioni- Huduma ya kwanza
Mdudu sikioni- Huduma ya kwanza

Mdudu sikioni- Huduma ya kwanza

Mdudu kuingia masikioni ni jambo linaloweza kutokea kwa kila mtu. Muda muafaka huweza kuwa wakati umekaa mchana au wakati umelala usiku. Wadudu wanaoweza kuingia sikioni ni mbu, nzi, mende na wengine. Mdudu anaweza kuingia sikioni na akaishi muda mrefu au akafia ndani bila wewe kufahamu.


Makala hii imezungumzia huduma ya kwanza ya kuondoa mdudu sikioni.


Dalili za kuwa na mdudu sikioni


Mdudu anapoingia sikioni hugusa ngoma ya sikio na hivyo huweza kuleta dalili zifuatazo;


  • Maumivu makali ya sikio

  • Hisia za sikio kuwa lina kitu kwa ndani

  • Kuvimba kwa sikio

  • Kutokwa na uchafu au majimaji masikioni

  • Kupungua kwa usikivu


Huduma ya kwanza ya kutoa mdudu sikioni


Endapo wewe, mtoto au nduu ameingiwa na mdudu sikioni fanya mambo yafuatayo ili kumtoa kama huduma ya kwanza;


  1. Mtulize ndugu na mwambie unaweza msaidia

  2. Usijaribu kumtoa mdudu kwa kuingiza kitu masikioni kama vile vijiti vyenye pamba kwa sababu utamsukuma ndani zaidi kisha kushindwa kutoka au kuharibu ngoma ya sikio

  3. Inamisha kichwa kwenye upade ambao mdudu ameingia, usipige pige kichwa bali unaweza kukitikisa tikisa huku umeinama ili kufanya mdudu atoke

  4. Kama huna matatizo yoyote ya sikio, na mdudu hachatoka kwenye hatua namba 3, tia mafuta ya kupikia au mafuta ya nazi kwenye sikio. Wakati wa kutia mafuta unaweza lalila upande ambao hakuna mdudu kisha imamisha kichwa kwenye upande mdudu alipo ili kufanya atoke, wakati huu tena tikisa kichwa huku umeinamia upande wa sikio lenye mdudu.

  5. Kumbuka unapotia mafuta kwenye sikio unafanya mdudu akose hewa na kufa

  6. Endapo mdudu amekufa na hatoki bado licha ya kutikisa na kuinamia upande mdudu alipo, chukua maji ya uvuguvugu kisha tia ndani ya sikio ili kumuondoa kwa presha

  7. Tumia bomba la sindano kusukuma maji kwa nguvu ndani ya sikio ili kuweza kumtoa. Fanya hivi kichwa kikiwa kimeinamia upande wa mdudu alipo


Fanya hatua za hapo juu mara tatu hadi nne.

Wakati gani uwasiliane na daktari wako unapokuwa na mdudu sikioni?


Wasiliana na daktari endapo;


  • Mdudu hatoki au huna uhakika kama bado yupo ndani ya sikio licha ya kufanya njia zote zilizo elezewa hapo juu.

  • Endapo vipande vya mdudu bado vimebaki ndani ya sikio

  • Endapo unapata dalili za maambukizi kwenye sikio ambazo ni homa au kutokwa na uchafu kwenye sikio

ULY CLINIC inakukumbusha siku zote uwasiliane na daktari wako kwa elimu na ushauri zaidi kabla ya kuchukua thatua yoyote baada ya kusoma makala hii

Wasiliana na daktari wa ULY CLINIC kwa suhauri zaidi kupitia namba za simu au kwa kubonyeza 'Pata tiba'  chini ya tovuti hii

Imeboreshwa,

1 Oktoba 2021 08:12:12

Rejea za mada:

  1. Awad, A. H etal. ENT foreign bodies. https://www.ncbi.nlm.nih.gov/m/pubmed/29619103/. Imechukuliwa 11.12.2020

  2. Craig, S. S. etal. Removal of ENT foreign bodies in children. Emergency Medicine Australasia. https://onlinelibrary.wiley.com/doi/pdf/10.1111/1742-6723.12387. Imechukuliwa 11.12.2021

  3. Insects in a Child's Ear. https://www.stanfordchildrens.org/en/topic/default?id=insects-in-the-ear-90-P02828. Imechukuliwa 11.12.2021

  4. Insects in the ear. (n.d.). http://www.stanfordchildrens.org/en/topic/default?id=insects-in-the-ear-90-P02828. Imechukuliwa 11.12.2021

  5. Olajide, T. G etal. Management of foreign bodies in the ear: A retrospective review of 123 cases in Nigeria. [Abstract]. ENT: Ear, Nose & Throat Journal, 90(11), E16-E19.https://www.ncbi.nlm.nih.gov/pubmed/22109927. Imechukuliwa 11.12.2021

bottom of page