top of page

Mwandishi:

Imeboreshwa:

ULY CLINIC

3 Novemba 2026, 15:48:56

Mshtuko wa sepsisi (septic shock)

Mshtuko wa sepsisi (septic shock)

Majina mengine: mshituko wa sepsisi; septic shock (Kiingereza)


Aina ya neno: hali ya dharura


Maana: sepsisi yenye shinikizo la chini la damu linalohitaji dawa za kupandisha shinikizo (vasopressors) na lactate kuwa juu.


Maelezo zaidi


  • Dalili: homa au joto kushuka chini ya kawaida, kutetemeka, mapigo ya moyo kwenda haraka, kupumua haraka, ngozi baridi yenye madoa, kuchanganyikiwa, kukojoa kidogo sana.

  • Chanzo: maambukizi yoyote – nimonia, maambukizi ya njia ya mkojo, tumbo, ngozi, kujifungua au mimba kuharibika, malaria kali.

  • Matibabu ya haraka: antibiotiki ndani ya saa 1, maji kwenye mshipa, oksijeni, dawa za kupandisha shinikizo, kutibu chanzo (mf. kutoa usaha).

  • Walio hatarini: watoto wachanga, wazee, wajawazito na waliojifungua, wenye VVU, kisukari au saratani.


Lini umwone mtaalamu wa afya


  • Mtu mwenye maambukizi anayechanganyikiwa, anayepumua haraka, mwenye ngozi baridi au asiyekojoa – mpeleke hospitali mara moja.


Tazama pia: Bakteria kwenye damu (bakteremia), Kiungo kushindwa kufanya kazi (organ failure)

Imeandikwa:

29 Oktoba 2026, 16:34:25

bottom of page