Kamusi Tiba ya ULY CLINIC

Ni magonjwa ya moyo yanayosababishwa na vijidudu kama bakteria, virusi, fangasi au vimelea wengine. Maambukizi yanaweza kuathiri sehemu mbalimbali za moyo, ikiwemo utando wa ndani wa moyo, misuli ya moyo, utando unaozunguka moyo au valvu za moyo.

Ni matatizo ya moyo ambayo hutokea baada ya mtu kuzaliwa kutokana na sababu mbalimbali za kiafya au mazingira. Kwa maana hii, yanatofautishwa na magonjwa ya moyo ya kuzaliwa, ambayo mtoto huwa nayo tangu anapozaliwa, na magonjwa ya moyo ya kurithi, ambayo yanahusishwa na mabadiliko ya vinasaba yanayoweza kupitishwa ndani ya familia.

Ni kundi la magonjwa ya moyo yanayosababishwa au kuchangiwa na mabadiliko katika vinasaba ambayo yanaweza kupitishwa kutoka kwa mzazi kwenda kwa mtoto. Magonjwa haya yanaweza kuathiri misuli ya moyo, mpangilio wa mapigo ya moyo, valvu au jinsi moyo unavyofanya kazi.

Ni kundi la matatizo ya muundo au utendaji wa moyo ambayo huwa yapo tangu mtoto anapozaliwa. Matatizo haya yanaweza kuhusisha vyumba vya moyo, valvu, mishipa mikubwa ya damu au namna damu inavyopita ndani na nje ya moyo.

Ni ugonjwa wa muda mrefu unaosababisha uchochezikinga kwenye sehemu mbalimbali za mfumo wa chakula, kuanzia mdomoni hadi kwenye njia ya haja kubwa. Mara nyingi huathiri sehemu ya mwisho ya utumbo mdogo na mwanzo wa utumbo mpana, lakini unaweza kutokea katika sehemu nyingine za mfumo wa chakula.