Kamusi Tiba ya ULY CLINIC

Ni ugonjwa wa muda mrefu unaosababisha uvimbe na vidonda kwenye utando wa ndani wa utumbo mpana na puru. Ni aina ya ugonjwa wa uchochezi wa utumbo ambapo mfumo wa kinga hushambulia tishu za utumbo na kusababisha uchochezi unaoweza kudumu au kujirudia.

Ni mkusanyiko usio wa kawaida unaotengenezwa juu ya utando wa ndani wa moyo, hasa kwenye valvu za moyo. Mara nyingi huwa na mchanganyiko wa mabonge ya damu, fibrini, chembe za kinga na vijidudu kama bakteria au fangasi.

Ni uvimbekinga au maambukizi ya utando wa ndani wa moyo, unaoitwa endokadiamu. Mara nyingi husababishwa na bakteria wanaoingia kwenye damu na kufika kwenye moyo, ambapo wanaweza kushikamana kwenye valvu za moyo na kutengeneza mkusanyiko wa vijidudu na mabonge ya damu unaoitwa uoto.

Ni ugonjwa sugu wa mapafu unaosababishwa na kuvuta nyuzi za asbesto kwa muda mrefu. Nyuzi hizi zinapoingia kwenye mapafu zinaweza kusababisha uchochezi na kovu kwenye tishu za mapafu, hali inayofanya mapafu kuwa magumu na kupunguza uwezo wa mwili kupata oksijeni.

Ni ugonjwa wa mfumo wa kinga ya mwili ambapo ulaji wa gluteni husababisha mfumo wa kinga kushambulia utando wa ndani wa utumbo mdogo. Gluteni hupatikana hasa kwenye nafaka kama ngano, shayiri na rai. Hali hii inaweza kuharibu vinyweleo vidogo vya utumbo vinavyosaidia kufyonza virutubisho kutoka kwenye chakula.