Kama COVID-19 inaingia kupitia macho, pua na mdomo kwanini tunasisitizwa kuvaa barakoa bila kuvaa miwani?

Corona huenea pale majimaji kutoka kwenye njia ya hewa ya mtu mwenye maambukizi yanapoingia mwilini kupitia puani, mdomoni au machoni. Uvaaji wa barakoa husaidia kuzuia majimaji yanayotoka kwenye njia ya hewa yasisambae na kuwaathiri wengine pale mtu anapopiga chafya au kukohoa au kupenga makamasi. Vile vile hakikisha unanawa mikono kwa maji tiririka na sabuni au safisha mikono kwa kutumia kitakasa mikono (sanitizer), na pia epuka kugusa maeneo ya usoni kwa mikono ambayo haijasafishwa ili kupunguza uwezekano wa kuambukizwa virusi vinavyosababisha ugonjwa wa COVID-19.