Je, kuna madhara gani ya bakteria vajinosis kwa mjamzito?

Bakteria vajinosis (BV) hufahamika kusababisha kutokwa na uchafu ukeni kwa wanawake walio katika umri wa kubeba mimba. BV husababishwa na mchanganyiko wa maambukizi ya vimelea unaoamshwa na kubadilika kwa mazingira ya uke baada ya kupoteza vimelea wake asili.

Je Bakteria vajinosisi ni ugonjwa wa zinaa?

Hapana!

Hata hivyo icha ya bakteria vajinosis kutochukuliwa kuwa ugonjwa wa zinaa, umekuwa ukihusianishwa na kujamiana.

Dalili za vajinosis ya bakteria

Wajawazito (na wasio wajawazito) wenye Bakteria Vajinosis wanaweza wasionyeshe dalili au wakawa na dalili zifuatazo;

• Kutokwa na uchafu ukeni

• Kutokwa na uchafu wenye harufu ya uozo

• Kutokwa na harufu ya samaki ukeni

Madhara gani ya bakteria vajinosis kwa mjamzito

Bakteria vajinosis kwa mjamzito huweza ambatana na madhara makubwa kama vile;

• Kupasuka kwa chupa ya uzazi

• Uchungu kabla ya wakati

• Kujifugua kabla ya wakati

• Maambukizi ya vimelea kwenye chupa ya uzazi

• Endometraitis

Uchunguzi

Ingawa hakuna ushahidi wa kupima wanawake wajawazito bakteria vajinosis, wajawazito wenye dalili wanapaswa kuchunguzwa na kupata matibabu.

Je kuna madhara ya moja kwa moja kwa mtoto ya bakteria vajinosis?

Hakuna madhara ya moja kwa moja yanayofahamika kutokea kwa mtoto. Madhara mengi yanayotokea huhusiana na madhara anayopata mama na hivyo kupelekea madhara yasiyo ya moja kwa moja. Mfano kama chupa ya uzazi itapasuka mapema, mama atapata mtoto njiti n.k.