Je, kuna madhara gani ya chlamydia kwa mjamzito?

Chlamydia ni ugonjwa maarufu wa zinaa unaoambukizwa kwa njia ya kujamiana na unaosababishwa na bakteria.

Dalili

Licha ya wanawake wenye chlamydia kutoonyesha dalili mara nyingi, maambukizi hayo huweza jionyesha kwa dalili zifuatazo;

• Kutokwa na uchafu usioeleweka ukeni

• Kutokwa na damu ukeni baada ya kujamiana

• Hisia za kuungua au kuwashwa kwenye njia ya mkojo wakati wa kukojoa

Madhara

Kama maradhi ya chlamydial yasipotibiwa kwa wakati hupelekea mama mjamzito kupata madhara yafuatayo;

• Uchungu kabla ya wakati

• Kupasuka kwa chupa ya uzazi kabla ya wakati

• Kujifungua mtoto njiti

• Kujifungua mtoto mwenye uzito kidogo

Madhara kwa kichanga

Mtoto anapokuwa anapita kwenye tundu la uzazi huweza pata maambukizi yanayoweza pelekea magonjwa ya macho na mapafu.