Kikokotoo: Kipimo cha mimba kwa mkojo baada ya Mimba kutoka

Kikokotoo hiki kimeandaliwa ili kukupa elimu na mwongozo wa jumla kuhusu muda unaohitajika kwa homoni ya ujauzito (hCG) kupungua baada ya kutoa mimba—iwe kwa dawa, kusafishwa, au mimba imetoka yenyewe. Kikokotoo hiki hakitoi jibu la moja kwa moja kama una mimba au huna mimba, bali kinaeleza kama muda uliopita unaweza kuathiri matokeo ya kipimo chako.

Kikokotoo hiki kinatumika kufanya mambo yafuatayo:

• Kukadiria muda uliopita tangu utoe mimba

• Kueleza kama hCG bado inaweza kuonekana kwenye kipimo cha mimba hivyo kusema mimba inawezekana kuwepo au la

• Kukupa elimu ya muda wa kawaida wa kushuka kwa hCG (wiki 1–8) ambako kunaendana na majibu ya kipimo kusoma mimba ipo au la

• Kukuonya kama umeshiriki ngono bila kinga baada ya kutoa mimba (kwani mimba mpya inaweza kutokea)

• Kukupa ushauri wa jumla wa lini ni busara kupima tena

• Kutoa elimu kuhusu matumizi ya kinga kama hupangi kupata mimba

Namna ya Kutumia Kikokotoo

1. Weka tarehe uliyotoa mimba

2. Weka tarehe uliyofanya kipimo cha ujauzito

3. Weka idadi ya siku za mzunguko wako wa hedhi

4. Chagua kama uliwahi kushiriki ngono bila kinga baada ya kutoa mimba

5. Bonyeza “Kokotoa”

6. Utaona maelezo juu ya kama muda uliopita unaweza kuathiri matokeo ya kipimo chako kutokana na mabaki ya homoni ya hCG.

7. Utapata pia ushauri wa jumla kuhusu muda mzuri wa kupima tena na matumizi ya kinga.