Kutema mate sana na kichefuchefu kwa mwanamke

Swali la msingi

Mke wangu anatema mate sana kwa wingi na anahisi kichefuchefu, je ni mimba?

Majibu

Wanawake wengi hupatwa na hali ya kutema mate kwa wingi na kichefuchefu, hasa wakiwa katika umri wa kuweza kupata mimba. Ingawa hizi ni dalili za kawaida katika miezi ya mwanzo ya ujauzito, kuna visababishi vingine vingi vya kitabibu ambavyo havihusiani na mimba. Makala hii inafafanua visababishi hivyo, dalili zinazoweza kuambatana navyo, pamoja na hatua za kuchukua.

Mimba kama kisababishi

Katika ujauzito, hasa wiki ya 6 hadi ya 12, ongezeko la homoni kama hCG na estrojeni husababisha mabadiliko yanayoathiri ladha, harufu, usagaji wa chakula, na mfumo wa neva — hali inayoweza kuchangia mate mengi na kichefuchefu.

• Hali ya kutema mate kitaalamu huitwa ptyalism gravidarum.

• Inaweza kuwa ya kudumu au ya muda mfupi.

• Huambatana na homa ya asubuhi, upungufu wa hamu ya kula, na kichefuchefu.

Jedwali: Visababishi vya kutema mate kwa wingi na kichefuchefu

Vipimo muhimu kufanya

Vipimo vya kugundua kisababishi ni pamoja na;

• Kipimo cha haraka cha mimba kwa mkojo au damu – kudhibitisha au kukataa mimba.

• Kipim cha damu cha sukari- Kuangalia kisukari.

• Kipmo cha homni za tezi thairoidi TSH & FT4 – kuangalia homoni za thairoid.

• Uchunguzi wa meno na fizi – kama kuna maambukizi ya mdomoni.

• Picha kamili ya damu – kuangalia upungufu wa damu au maambukizi.

• Ultrasound ya tumbo – kama kuna wasiwasi wa viungo vya ndani.

Nini cha kufanya?

1. Usikurupuke kuhitimisha kuwa ni mimba – hakikisha kwa kipimo.

2. Zingatia muda na mazingira ya dalili – zipo baada ya kula? Asubuhi pekee?

3. Tafuta msaada wa daktari – hasa kama dalili zinazidi au huchanganyika na kizunguzungu, homa, au kupungua uzito.

4. Epuka kujitibu bila ushauri wa kitaalamu – hasa kwa dawa za kichefuchefu au antibayotiki.

5. Endelea kufuatilia dalili – iandike kila siku ili kusaidia uchunguzi wa daktari.

Hitimisho

Kutema mate kwa wingi na kichefuchefu si lazima kumaanishe mimba. Ni dalili za kawaida zinazoweza kusababishwa na magonjwa mengi, dawa, au hali za kisaikolojia. Uchunguzi wa kina na vipimo sahihi vinahitajika ili kutoa majibu ya uhakika. Ikiwa unakabiliwa na hali hii au mpenzi wako anapitia dalili hizo, tafuta msaada wa kitabibu mapema ili kutambua chanzo na kuanza matibabu sahihi.