Nini husababisha kutokwa na damu katikati ya mzunguko wa hedhi?

Kutokwa na damu katikati ya mzunguko wa hedhi ni hali ambapo mwanamke hupata damu kutoka ukeni nje ya kipindi chake cha kawaida cha hedhi. Hali hii inaweza kusababishwa na mabadiliko ya homoni, maambukizi, au magonjwa makubwa kama saratani ya kizazi.

Makala hii imezungumzia kuhusu visababishi, dalili, uchunguzi, na Matibabu ya tatizo la tatizo la kutokwa na damu katikati ya mzunguko wa Hedhi.

Kumbuka: Kutokwa na damu katikati ya mzunguko wa hedhi katika makala hii imemaanisha kutokwa na damu kipindi chochote kile kabla ya tarehe ya hedhi inayofuata kuwadia.

Visababishi vya kutokwa na damu katikati ya Hedhi

Uchunguzi wa Kutokwa na Damu Kati ya Hedhi

Ili kubaini chanzo cha tatizo, daktari anaweza kufanya mambo na vipimo vifuatavyo:

i) Historia ya Matibabu na uchunguzi wa kimwili

• Historia ya mzunguko wa hedhi

• Historia ya matumizi ya njia za uzazi wa mpango

• Dalili zinazofuatana na kutokwa damu (uchungu, homa, maumivu ya nyonga)

  
  

ii) Vipimo vya maabara

• Kipimo cha damu (CBC) – Kutathmini upungufu wa damu (anemia) au maambukizi

• Kupima mimba (hCG) – Kuthibitisha au kubaini ujauzito

• Vipimo vya homoni – FSH, LH, estrogeni, progesterone, androjeni

• Vipimo vya magonjwa ya inzaa – Kuangalia uwepo wa maambukizi ya Klamidia, kaswende na kisonono

  
  

iii) Uchunguzi wa picha na uchunguzi maalum

• Ultrasound ya nyonga – Kubaini uvimbe, cysts, au matatizo ya uterasi

• Hysteroscopy – Kuchunguza moja kwa moja ndani ya mji wa mimba

• Biopsy ya Endometrium – Kuchukua sampuli ya ukuta wa kizazi kutathmini saratani

• Pap Smear na Kipimo cha HPV – Kuchunguza saratani ya shingo ya kizazi

  
  

Matibabu ya kutokwa na damu katikati ya hedhi

Matibabu ya kutokwa damu katikati ya mzunguko wa hedhi hutegemea chanzo cha tatizo, baadhi yake huhusisha:

• Tiba ya Homoni – Vidonge vya uzazi wa mpango, tiba ya homoni (GnRH analogs) kwa matatizo ya homoni, PCOS, na endometriosis.

• Antibiotiki – Kwa maambukizi ya magonjwa ya zinaa au PID.

• Upasuaji – Kuondoa fibroid, vinundu, tishu za endometria (endometriosis), au uvimbe wa saratani (kuondoa kizazi au sehemu ya kizazi).

• Mabadiliko ya mtindo wa maisha – Kula chakula bora, kudhibiti uzito, kupunguza msongo wa mawazo.

• Kurekebisha matumizi ya dawa – Ikiwa dawa fulani zinachangia au ksuabababisha tatizo, mfano dawa za kuyeyusha damu.

Wakati gani unapaswa kumwona Daktari unapotokwa na damu katikati ya mzunguko wa hedhi?

Ni muhimu kutafuta msaada wa daktari ikiwa unapta hali na dalili zifuatazo;

• Damu inatoka mara kwa mara katikati ya hedhi

• Kutokwa na damu kunaambatana na maumivu makali ya nyonga, kizunguzungu, au homa

• Unapata damu baada ya kufikia ukomo wa hedhi (komahedhi)

• Kuna uchafu ukeni wenye harufu mbaya au maumivu baada ya tendo la ndoa