Kutoka kwa ute mweupe mithiri ya krimu nyeupe na laini ukeni wakati wa tendo la ndoa ni suala linalowapata wanawake wengi na mara nyingi si dalili ya tatizo. Mwili wa mwanamke hutengeneza ute ukeni unaoongezeka sana wakati wa msisimuko wa kimapenzi. Hali hii husaidia kulainisha uke, kupunguza maumivu wakati wa tendo, na kuruhusu kufurahia tendo bila msuguano.

Hata hivyo, wakati mwingine ute huu unaweza kubadilika rangi, wingi, au harufu, na kuwa ishara ya maambukizi, mabadiliko ya homoni, au changamoto za afya ya uzazi.

Makala hii inaeleza tofauti kati ya ute wa kawaida na wa ugonjwa, sababu zinazowezekana, vipimo, matibabu, na wakati wa kutafuta huduma ya afya.

Ute wa kawaida wakati wa Tendo la ndoa

Ute huu hutokana na tezi maalum kwenye uke na shingo ya kizazi ambazo hutoa ute mwingi wakati mwanamke anapochochewa kimapenzi.

Sifa za ute wa kawaida:

• Uweupe wa kawaida au rangi ya maziwa

• Hauna harufu kali

• Hauambatani na maumivu wala kuwasha

• Unatokea zaidi mwanamke anapochochewa

• Unaweza kufunika uume au mashavu ya uke

• Hupotea baada ya tendo

Je, ni kawaida? Ndiyo. Hii ndiyo sababu ya kawaida zaidi ya ute kama krimu.

Sababu nyingine zinazoweza kusababisha ute mweupe wakati wa tendo

1. Mabadiliko ya homoni

Wakati wa ovulation, mimba, au unapotumia dawa za homoni, ute wa uke huongezeka.

2. Maambukizi ya fangasi (Candida)

• Ute mzito kama jibini

• Kuwasha na kuchoma

• Maumivu wakati wa tendo

• Harufu hafifu kama ya mkate au chachu

3. Bacterial Vajinosis (BV)

• Ute wa kijivu/mweupe maji maji

• Harufu kali ya shombo

• Hupata wanawake wengi baada ya kuosha uke kwa ndani

4. Magonjwa ya zinaa (Klamidia, Gonorrhea, Trikomonias)

• Ute wa njano, kijani au mweupe mzito

• Maumivu chini ya tumbo

• Harufu kali

• Uchafu kuendelea hata bila tendo

5. Alerjia / muwasho kutokana na bidhaa za nje

• Dawa za kuoshea uke

• Sabuni zenye manukato

• Kondomu (mzio za latex)

6. Kutokua tayari kimapenzi

Uke unapobanwa kwa msuguano, mwili huweza kutoa ute mwingine kama kinga, lakini mara nyingi huambatana na maumivu.

Wakati gani wa kumwona daktari?

Muone daktari kama ute unajitokeza pamoja na:

• Harufu kali isiyo ya kawaida

• Maumivu ukeni au chini ya kitovu

• Kuwashwa au kuchoma

• Ute wa njano, kijani, au wenye damu

• Kutokwa kama povu

• Mpenzi pia kupata dalili za muwasho

• Uchafu kutokoma kwa siku kadhaa baada ya tendo

Vipimo

Vipimo vinavyopendekezwa hospitalini ni pamoja na;

• HVS (ute kutoka kwenye shingo ya kizazi) – huangalia fangasi, BV, au maambukizi mengine

• Uchunguzi wa magonjwa ya zinaa – kama kuna dalili za ugonjwa wa zinaa

• Urinalysis – endapo kuna maumivu wakati wa kukojoa

• Kipimo cha ujauzito – kama mzunguko umechelewa

• Uchunguzi wa nyonga – daktari kuangalia ukeni kuona mabadiliko ya moja kwa moja

Matibabu

Matibabu hutegemea kisababishi;

Jedwali la Matibabu ya Kutokwa Kremu Nyeupe Ukeni

Jinsi ya kujikinga na kudhibiti tatizo

• Epuka sabuni zenye manukato ukeni

• Tumia kondomu ikiwa hamjaathibitisha afya ya uzazi

• Vaa nguo za pamba, zenye nafasi

• Tumia probiotics (kama maziwa mgando) kusaidia bakteria wazuri

• Usioshe uke kwa ndani (huongeza BV)

• Kunywa maji ya kutosha kusaidia ute kuwa wa kawaida

Madhara

Matatizo yanayoweza kutokea usipotibiwa ikiwa ni maambukizi ni pamoja na;

• Maumivu ya muda mrefu ukeni

• Kupunguza uwezo wa kufurahia tendo

• PID (maambukizi ya ndani ya via vya uzazi) — kwa magonjwa ya zinaa

• Matatizo ya uzazi baadaye

• Maambukizo kurudia mara kwa mara

Hitimisho

Kutoka kwa ute mweupe kama krimu wakati wa tendo la ndoa mara nyingi ni kawaida na salama.Lakini mabadiliko yasiyo ya kawaida kwenye rangi, harufu, wingi, au maumivu ni ishara ya kutafuta uchunguzi wa daktari.Huduma ya mapema husaidia kuzuia maambukizi kuendelea na kulinda afya ya uzazi.

Maswali yanayoulziwa mara kwa mara