Kutoona damu kwenye dozi ya pili ya kutoa mimba

Historia fupi ya matumizi ya dawa

Habari daktari, niliona hedhi mara ya mwisho mwezi wa mmoja uliopita mwanzoni, tarehe 15 mwezi huu nilipima nikawa na mimba. Nikaanza kutumia vidonge vya kutoa mimba vile vya kuweka chini viwili na mdomoni viwili tarehe 17 mwezi huu. Damu zilitoka siku 4 tu baada ya hapo ikafuatiwa na uchafu. Dokta wangu akanishauri nitumie vidonge vingine ambavyo viko vitano. Juzi usiku nilimeza kimoja, tumbo liliuma tu sikuona damu pia jana usiku nikameza vile vinne baada ya hapo nilihalisha sana usiku pia sikuona damu mpaka saizi hakuna damu kabisa zaidi ya uchafu wa njano. Naombaa msaada au ushauri katika hilo.

Uchambuzi mfupi

Ulipata ujauzito mwezi uliopita (LMP mwanzoni mwa mwezi uliopita). Mnamo tarehe 17 mwezi huu, ulitumia dawa za kutoa mimba (misoprostol) kwa njia ya kawaida: viwili chini ya ulimi na viwili kwa ukeni. Ulipata damu kwa siku 4, kisha ukaendelea kuona uchafu wa njano. Kwa ushauri wa daktari wako, ulitumia dozi ya pili ya vidonge vitano (misoprostol), lakini mara hii haukupata damu tena — badala yake uliharisha na kuona uchafu wa njano tu.

Majibu

Je, inawezekana dozi ya kwanza ilishatoa mimba?

Ndiyo. Dalili zako (kutokwa damu kwa siku kadhaa baada ya dozi ya kwanza) zinaweza kuashiria kuwa mimba ilishatoka mapema, na kilichobaki ni ute/lokia unaotoka baada ya mimba kutoka. Hii ni kawaida. Wanawake wengine hupata damu nyingi, wengine kiasi kidogo, na wengine hupata uchafu mwepesi kwa siku kadhaa. Ikiwa dozi ya kwanza ilifanikisha utoaji wa mimba, basi dozi ya pili haiwezi kusababisha damu nyingine.

Kwa nini hakuna damu baada ya dozi ya pili?

Ikiwa kizazi hakina ujauzito tena au masalia yoyote ya ujauzito, vidonge vya misoprostol havitaweza kuchochea damu kutoka kwa sababu hakuna kitu cha kutolewa. Badala yake, unaweza kupata madhara madogo kama maumivu ya tumbo au kuharisha (kama ulivyopata), lakini bila damu.

Je, kipimo cha mkojo kinaweza kusaidia?

Ndiyo. Kipimo cha mkojo kwa ajili ya kugundua homoni ya hCG kinaweza kufanyika baada ya siku 7–14 tangu ulipoanza kutumia dawa. Kipimo chako kikija chenye matokeo hasi (negative), ina maana mimba ilishatoka. Ikiwa ni chanya (positive), inaweza kumaanisha bado kuna mabaki ya homoni au mimba bado ipo. Kwa uhakika zaidi, kipimo cha ultrasound ndicho bora zaidi kwa kuthibitisha kama mimba ipo au imetoka kabisa.

Wakati gani wa mukwoma daktari haraka?

Ni muhimu kumwona daktari mara moja iwapo utapata dalili zifuatazo baada ya kutumia vidonge vya kutoa mimba;

• Kutokwa damu nyingi isiyoisha; Ikiwa unatumia zaidi ya pedi 2 kubwa kwa saa moja kwa zaidi ya saa 2 mfululizo.

• Maumivu makali ya tumbo yasiyopungua hata baada ya kutumia dawa za maumivu: Maumivu haya yanaweza kuashiria mimba ya nje ya kizazi au tatizo lingine la dharura.

• Homa kali au kutetemeka: Ikiwa joto la mwili linapanda zaidi ya 38°C kwa zaidi ya saa 24 au kuongezeka zaidi ya mara moja, huashiria uwezekano wa maambukizi.

• Kutoka uchafu wa uke unaonuka vibaya :Hii ni dalili ya maambukizi kwenye mfuko wa mimba (endometritis).

• Dalili za mimba kutotoka yote: Kama bado una dalili za ujauzito (kichefuchefu, matiti kujaa, uchovu), au mabadiliko madogo sana kwenye damu baada ya kutumia dawa.

• Hakuna damu kabisa baada ya kutumia dawa zote: Hasa kama dozi ilitolewa katika hatua ya awali ya ujauzito (chini ya wiki 6), kutokutoka damu kabisa kunaweza kuashiria kuwa mimba bado ipo au haikutolewa vizuri.

• Kichefuchefu kikali, kutapika, au kuhara mfululizo: Hasa baada ya kutumia vidonge vya misoprostol, hali hii inaweza kusababisha upungufu wa maji mwilini na kudhoofika.

Ushauri wa kitaalamu

1. Fanya Ultrasound ya tumbo la Uzazi:Hiki ndio kipimo bora zaidi kutathmini kama:

   • Mimba imetoka kikamilifu,

   • Kuna mabaki ya mimba,

   • Au mimba bado ipo.

2. Kama huwezi kupata ultrasound mara moja:

   • Subiri wiki moja, rudia kipimo cha mkojo. Kama bado kinaonyesha ujauzito, tafuta ultrasound haraka.

   • Angalia dalili zingine kama homa, harufu mbaya ya uchafu, maumivu ya tumbo makali – hizi zinaweza kuashiria maambukizi au mabaki ya mimba.

Hitimisho

Kutoona damu baada ya dozi ya pili ya dawa hakuashirii kushindwa kwa dawa kwa lazima. Inawezekana mimba ilishatoka awali, na sasa ni uchafu wa kawaida (lokia). Hata hivyo, kwa kuwa bado una mashaka, ni salama zaidi kufanya ultrasound ili kuthibitisha hali ya ndani ya kizazi. Kipimo cha mkojo kinaweza kusaidia, lakini si cha kutegemewa pekee katika ufuatiliaji wa kutoa mimba kwa dawa.