Kwa nini mjamzito hutokwa na uchafu mweupe mzito ukeni?

Swali la msingi

"Shikamoo Daktari, mimi ni mjamzito wa miezi minne. Nimekuwa nikiona uchafu mweupe mzito unanitoka kila siku, hauna harufu mbaya wala muwasho, lakini ni mwingi kuliko kawaida. Naomba kuelewa kwa undani: kwa nini hali hii hutokea wakati wa ujauzito? Je, ni jambo la kawaida au kuna jambo linaendelea mwilini?"

Majibu

Wakati wa ujauzito, mwili wa mwanamke hupitia mabadiliko makubwa ya homoni, mfumo wa kinga, na hali ya uke. Moja ya dalili inayowatokea wanawake wengi ni kutokwa na uchafu mwingi ukeni, hasa uchafu wa rangi nyeupe, mzito na wenye muundo tofauti.

Hali hii huwatia wasiwasi baadhi ya wajawazito, wakihisi huenda ni maambukizi. Ni muhimu kuelewa ni lini hali hii ni ya kawaida, na lini ni dalili ya tatizo.

Uchafu wa kawaida wakati wa ujauzito

Ongezeko la ute mweupe wakati wa ujauzito hujulikana kama leukorea.

Tabia zake:

• Rangi: Mweupe au wa maziwa

• Muundo: Mwepesi hadi mzito lakini hauna chembechembe

• Harufu: Hafifu au hauna harufu kabisa

• Maumivu: Hauambatani na muwasho mkali, maumivu au harufu mbaya

Chanzo cha uchafu mweupe ukeni kwa mjamzito nini?

Wakati wa ujauzito, kutokwa na uchafu mweupe ukeni si ugonjwa, bali ni sehemu ya mchakato wa kawaida wa mwili wa mwanamke kujiandaa kulinda ujauzito na kudhibiti usafi wa uke. Hali hii huitwa kitaalamu ute mweupe wa kifiziolojia( leukorea)

Mchakato huu unasababishwa na nini?

1. Kuongezeka kwa homoni ya estrojen

• Wakati wa ujauzito, kiwango cha homoni ya estrojen huongezeka sana.

• Estrojen huamsha seli za tezi za uke na mlango wa kizazi (shingo ya kizazi) kuzalisha ute mwingi.

• Ute huu una kazi ya;

  • Kulainisha uke

  • Kusafisha taka ndogo na seli zilizokufa

  • Kuzuia bakteria hatari kuingia ndani

2. Kuongezeka kwa mtiririko wa damu kwenye eneo la nyonga

• Mtiririko wa damu kwenye uke na mlango wa kizazi huongezeka sana ili kuimarisha lishe kwa kijusi.

• Hii huongeza maji na ute wa ukeni, hivyo kuchochea kutokwa na uchafu.

3. Kuimarika kwa mfumo wa kinga ya uke

• Uke wa mjamzito hujiandaa kupambana na maambukizi kwa:

  • Kuongeza uzalishaji wa ute wenye asidi

  • Ute huu una viambata vya asili vinavyosaidia kuua au kuzuia bakteria na fangasi

• Uchafu huo mara nyingi ni sehemu ya mfumo wa kinga ya mwili

4. Mabadiliko ya mazingira ya uke

• Wakati wa ujauzito, uke huwa na mazingira ya joto na unyevu zaidi.

• Hali hii huongeza mabadiliko ya ute wa ukeni, unaoweza kuwa mweupe mzito au wa maziwa, lakini bado wa kawaida.

Uchafu usio wa kawaida wa kutilia mashaka

Kuna hali ambapo uchafu mweupe huwa mzito kupita kiasi, una harufu mbaya, au huambatana na muwasho, ambapo huashiria maambukizi ya ukeni.

Dalili za hatari:

• Uchafu kuwa mweupe sana kama jibini na kuganda

• Harufu mbaya au kali (kama samaki waliovunda)

• Muwasho mkali ukeni au kwenye mashavu ya nje ya uke

• Maumivu wakati wa kukojoa au tendo la ndoa

• Kuvuja damu isiyo ya kawaida

Sababu kuu za maambukizi

Je, ni salama kwa mtoto tumboni?

• Uchafu wa kawaida hauna madhara kwa mtoto tumboni.

• Uchafu unaotokana na maambukizi yasiyotibiwa yanaweza kuathiri:

  • Mlango wa kizazi

  • Kuongeza hatari ya kujifungua kabla ya wakati

  • Maambukizi kwa mtoto wakati wa kujifungua

Lini unatakiwa kumwona Daktari?

Wasiliana na daktari endapo kuna:

• Harufu isiyo ya kawaida ukeni

• Muwasho au maumivu

• Uchafu wenye rangi ya kijani, njano au kahawia

• Kutokwa na damu baada ya uchafu

• Historia ya maambukizi ya uke au ngono bila kinga

Nini cha kufanya nyumbani?

Hitimisho

Kutokwa na uchafu mweupe mzito ni kawaida kwa wajawazito, hasa katika miezi ya mwanzo na ya kati ya ujauzito. Hata hivyo, mabadiliko yoyote ya harufu, rangi au muundo yanapaswa kuchukuliwa kwa uzito. Usisite kumwona daktari unapohisi tofauti yoyote isiyo ya kawaida.