Kwanini kuna chanjo za aina mbalimbali? Je zote zinamchanganyiko sawa?

Wakati mlipuko wa COVID-19 ulipotokea na watu kuathirika na kufa kwa wingi duniani kote, makampuni mbalimbali toka nchi mbalimbali yalianza juhudi za kufanya tafiti za kuvumbua chanjo za COVID-19. Hivyo baadhi ya makampuni yaliweza kuja na aina tofauti za chanjo ambazo baadae zilifanyiwa majaribio ya usalama na ufanisi wake. Na hii ndio chimbuko na uwepo wa aina tofauti tofauti za chanjo za COVID-19. Hata hivyo, uwepo huu wa chanjo za aina tofauti tofauti ni jambo jema kwani uhitaji wa chanjo wa COVID-19 duniani ni mkubwa sana, kiasi kwamba ingekuwa ni kuna aina moja tu ya chanjo inayotengenezwa na kampuni moja tu isingeweza kutengeneza chanjo za kutosheleza mahitaji duniani kote kwa wakati.