Je, unaweza tumia majira yenye vichocheo viwili kama una kipanda uso?

Hapana!

Kama una kipanda uso au unapata dalili za kipanda uso kama vile kushindwa kuona vema na maumivu makali ya kichwa ya kugonga upande mmoja wa kichwa na zingine hupaswi kutumia majira yenye vichocheo viwili.

Dalili za kipanda uso

Dalili zingine za kipanda uso ambazo zikufanye kutotumia vidonge vya majira yeney vichocheo viwili ni;

• Kushindwa kuona kwa wakati

• Maumivu makali ya kichwa

• Maumivu ya kichwa ya kugonga kwa masaa kadhaa upande mmoja wa kichwa

• Maumivu ya kichwa yanayoambatana na kichefuchefu au kutapika

• Maumivu ya kichwa yanayozidi kwa ukiwa kwenye mwanga, kelele, au kutembea, au kujitikisa

Kwanini usitumie majira yenye vichocheo viwili kama una kipanda uso?

Majira yenye vichocheo viwili huamsha dalili za kipanda uso na kufanya upatwe na ugonjwa huu mara kwa mara. Hii ndio maana haishauriwi kutumika kwa wanawake wenye kipanda uso chenye aura au kisicho na aura au kama una umri wa miaka 35 au zaidi.

Kama una umri wa chini ya miaka 35 na una kipandauso bila aura, unaweza kutumia vidonge vyenye vichocheo viwili.