Sunzua njia ya haja kubwa: Sababu, Tiba na namna ya kukabiliana na Hofu

Swali la msingi

"Nimepata sunzua sehemu ya haja kubwa. Nilitumia cream ya Podolyn, zile za nje zikaisha, lakini zile za ndani bado zipo kidogo kwa sababu sikuruhusiwa kupaka ndani. Nimeambiwa huu ugonjwa hauna dawa kabisa. Nimekosa amani na nahisi kukata tamaa kabisa. Tafadhali naomba msaada — nifanyeje?"

Majibu

Sunzua au warts kwenye eneo la haja kubwa ni hali ya kiafya inayoletwa na virusi vya HPV na mara nyingi huambatana na wasiwasi mkubwa kwa mgonjwa. Licha ya hofu ya kwamba "haina dawa", ukweli ni kwamba tatizo hili linatibika kabisa kwa njia sahihi za kitaalamu.

Sunzua ni nini?

Sunzua ni viuvimbe vidogo vya ngozi vinavyojitokeza kwenye maeneo ya siri au karibu na njia ya haja kubwa. Vinatokana na maambukizi ya Kirusi Human Papilloma (HPV) — hasa aina ya 6 na 11, ambazo siyo hatari, lakini husababisha kero kubwa kwa mgonjwa.

Visababishi

Visababishi vikuu vya kutokea kwa sunzua njia ya haja kubwa ni;

• Maambukizi ya HPV kwa njia ya ngono

• Kugusana ngozi kwa ngozi na mtu mwenye virusi

• Kinga ya mwili iliyo chini (kwa wagonjwa wa VVU, kisukari n.k.)

• Kutozingatia usafi wa sehemu za siri

• Kuwahi kushiriki ngono kabla ya miaka 18

Dalili za sunzua wa njia ya haja kubwa

Zifuatazo kwenye jedwali ni dalili za sunzua karibu na haja kubwa

Matibabu ya sunzua njia ya haja kubwa

Je, sunzua haina dawa?

La hasha. Sunzua ina tiba!Kinachosemwa kuwa "haina dawa" ni ukweli kwamba virusi vya HPV havina dawa ya moja kwa moja ya kuyaondoa moja kwa moja mwilini, lakini:

• Sunzua huondolewa kabisa kwa tiba sahihi

• Kinga ya mwili huweza kudhibiti virusi vya HPV hadi kutotambulika

• Kwa wengi, virusi huondolewa na kinga ya mwili ndani ya mwaka 1–2

Aina za matibabu ya sunzua kwenye njia ya haja kubwa

Sunzua za ndani ya njia ya haja kubwa hazipaswi kupakwa krimu ya podophyllin bila uangalizi wa daktari.Zinaweza kuhitaji uchunguzi maalum na matibabu ya moja kwa moja hospitalini.

Je, kwanini huenda zikajirudi?

• Kama kinga ya mwili iko chini

• Kama chanzo hakijatibiwa vizuri (mfano, mwenza pia ana maambukizi)

• Kama una historia ya maambukizi ya mara kwa mara ya HPV

Hali ya kurudi kwa sunzua haina maana kuwa huwezi kupona kabisa – bali ni dalili ya ufuatiliaji zaidi.

Kukabiliana na hofu, msongo na kukata tamaa

1. Tambua kuwa si ugonjwa wa hatari kwa maisha

2. Wengi hupona kabisa bila hata kujirudia

3. Zungumza na mtaalamu wa afya ya akili kama hofu imezidi

4. Epuka mitandao yenye taarifa zisizo sahihi au za kuhukumu

5. Usijitenge – zungumza na daktari kwa msaada wa karibu

Namna ya kuzuia kusambaa au maambukizi mapya

• Tumia kinga wakati wa ngono (kondomu)

• Tumia tishu tepe ya kutawazia au maji safi baada ya haja kubwa

• Epuka kuchangia taulo au nguo za ndani

• Mshauri mwenza apimwe pia

• Pata chanjo ya HPV kama hukuwahi kuchanjwa

Hitimisho

Sunzua kwenye njia ya haja kubwa ni hali ya kawaida inayotokea kwa watu wengi na ina tiba. Licha ya virusi vya HPV kukaa mwilini kwa muda, matibabu ya kitaalamu hutoa nafuu na uponyaji wa muda mrefu. Hofu, aibu na msongo wa mawazo vinaweza kushughulikiwa kupitia ushauri wa afya ya akili.