Kutokwa na Usaha ukeni baada ya ujauzito kuharibika: Sababu, Dalili na Matibabu

Swali la Msingi

"Daktari habari za sasa, nimeanza kutokwa na usaha ukeni baada ya ujauzito kuharibika. Sijui sababu ni nini, naomba msaada nifanye nini?"

Majibu

Baada ya ujauzito kuharibika (kutoa mimba), baadhi ya wanawake hupata kutokwa na usaha ukeni, dalili inayoweza kuashiria maambukizi ya kizazi. Hali hii inaweza kuwa nyeti kwa afya ya mama na inahitaji uangalizi wa haraka. Makala hii inalenga kueleza sababu, dalili zinazohusiana, vipimo na matibabu, pamoja na hatua za kujisaidia nyumbani ili kupunguza madhara.

Kutokwa na usaha ni nini?

Usaha ni mchanganyiko wa damu, seli za mwili na bakteria walio ukeni. Baada ya kutoa mimba, kutokwa na usaha ni dalili ya maambukizi ya kizazi (maambukizi baada ya mimba kuharibika). Usaha unaweza kuwa rangi nyeupe, njano, kijani, au mchanganyiko na damu, na mara nyingine hubeba harufu mbaya.

Visababishi

Sababu za kutokwa na usaha baada ya ujauzito kuharibika ni pamoja na;

1. Maambukizi ya Kizazi (Endometraitis / Sepsis ya kizazi)

   • Baada ya ujauzito kuharibika, mlango wa kizazi hubaki wazi na kurahisisha bakteria kuingia.

   • Bakteria husababisha kuvimba kwa kizazi na kutokwa na usaha.

2. Mabaki ya kondo au tishu za mimba

   Mabaki yaliyobaki ndani ya kizazi hutengeneza mazingira mazuri ya vimelea kuishi na huchochea maambukizi na kutokwa na usaha endelevu.

3. Kutumia dawa zisizo sahihi au kutokamilisha matibabu

   Kutumia dawa zisizo kamili au zisizo sahihi baada ya mimba kutoka kunaweza kuchochea maambukizi.

4. Msongo wa Mawazo na Hali ya Kiakili

   Msongo unaweza kudhoofisha kinga ya mwili na kuongeza uwezekano wa maambukizi yanayochochea usaha.

Dalili

Dalili zinazohusiana na kutokwa na usaha ukeni baada ya ujauzito kuharibika ni pamoja na;

• Kutokwa na usawa wenye harufu mbaya

• Homa na kutetemeka

• Maumivu au kubana tumbo chini

• Uchovu uliopitiliza

• Kutokwa damu kidogo au kuendelea kwa muda

• Ngozi kuwa rangi ya njano (dalili za upungufu wa damu endapo kuna kupoteza damu nyingi)

Vipimo na Uchunguzi

1. Uchunguzi wa Mwili

   Daktari atachunguza kizazi, sehemu za uke, na hali ya jumla ya mama.

2. Vipimo vya Damu

   Kiwango cha damu (Hemoglobin), Hesabu kamili ya chembe nyeupe za damu, CRP (kiashiria cha maambukizi), na vipimo vya bakteria kama inahitajika.

3. Vipimo vya Uchunguzi wa Kizazi

   • Ultrasound kuangalia mabaki ya tishu au kondo.

   • Kupima maendeleo ya maambukizi ndani ya kizazi.

Matibabu ya Hospitali

Mwongozo wa kujisaidia nyumbani

Unapotokwa na usaha ukeni, unapaswa kwenda hospitali, baada ya kupata ushauri wa daktari anaweza kukushauri mambo yafuatayo;

Lini utafute msaada wa haraka?

Unapotokwa na usaha ukeni unahitaji kuonana na daktari haraka na si kusubiria. Dalili zingine zinazokupa sababu ya kuonana na daktari haraka baadhi yake zimeorodheshwa kwenye jedwali linalofuata:

Hitimisho

Kutokwa na usaha ukeni baada ya ujauzito kuharibika ni dalili ya maambukizi au mabaki ya tishu yanayohitaji uchunguzi wa haraka. Matibabu mapema hospitalini pamoja na usafi, lishe bora, na kupumzika husaidia kuzuia madhara makubwa.

Maswali yaliyoulizwa mara kwa mara