Kuandaa nyonga kabla ya kujifungua

Wakati wa kujifungua unapokaribia, mtoto atashuka chini ya tumbo kuelekea kwenye shimo la nyonga katika pozi la kichwa chini matako juu. Jukumu lako kubwa ni kujiweka fiti kimwili ili kumwezesha mtoto apite kirahisi kwenye nyonga na tundu la uzazi.

Baadhi ya tamaduni huwafundisha wanawake mabinti toka wakiwa wadogo kukaa kwa kukunja miguu kama inavyoonekana kwenye picha namba moja. Aina hii ya kukaa inafanya misuli na ligamenti za nyonga kuwa fupi, hivyo kuna mahitaji ya kuiongeza urefu kwa mazoezi. Kama unaona aibu kukaa huku miguu imeachana, utanza kujhisi vema tu kukaa hivyo baada ya kuanza mazoezi haya.

Faida za kuandaa nyonga kabla ya kujifungua ni zipi?

Mazoezi yaliyoandikwa hapa chini yatakusaidia kuandaa vema njia ya mtoto kupita na hivyo kukusababishia ujifungue kirahisi kwa njia ya kawaida. Hakikisha unafanya mazoezi haya mara kwa mara.

Zoezi la kwanza la kuimarisha sakafu ya nyonga

Tazama picha namba 3

• Fanya mazoezi haya na hakikisha unafanya katika pozi ambalo halikupi maumivu.

• Fanya zoezi taraibu na usijilazimishe, unaposhika magoti juu kama kwenye picha namba 3 kulia, hakikisha huliachii kwa muda wa wa kuhesabu 1,2,3,4,5 labla ya kuachia taratibu chini.

• Ili kulegeza misuli ya kinena, nyonga na misuli ya ndani ya kati ya mapaja kaa pozi kama kwenye picha namba 2 huku umeshika kiwiko cha mguu huku ukisogeza nyonga karibu na makanyagio.

Zoezi la pili la kuimarisha sakafu ya nyonga kwa ajili ya kijifungua salama

Kufanya zoezi katika picha namba 4 b;

• Kaa pozi kwenye mkeka wa kufanyia mazoezi

• Hakikisha hauumii kwenye makalio

• Panua miguu yako kama kwenye picha inavyoonekana

• Rudia kwa kutanua na kukutanisha miguu kama kwenye picha namba 4a

• Rudia mara nyingi unavyoweza na unavyotaka

Zoezi namba tatu la kuimarisha sakafu ya nyonga kabla ya kujifungua

Kufanya zoezi namba 4a

• Hakikisha upo sehemu salama

• Unaweza kushika kitu mbele yako ili kuzuia kuanguka inaweza kuwa bomba lililojishika aridhini au chuma lilichojishikiza kwenye kitu au kwa kushikana mikono na mwenzako huku mkichuchumaa pamoja

• Chuchumaa kutoka kwenye pozi la kusimama

• Hakikisha unafanya mazoezi haya bila kujilazimisha endapo umechoka

• Unapopata maumivu yoyote yale inamaanisha unafanya mazoezi haya isivyopaswa na unaweza kuwa unaharibu afya yako.