Kirusi Hepatitis B

Kirusi Hepatitis B ni kirusi anayesababisha ugonjwa wa ini (Hepatitis B), ugonjwa unaoambukiza unaoweza kuwa mkali wa ghafla au wa muda mrefu (sugu). Ugonjwa huu ni miongoni mwa sababu kuu za sirosisi ya ini na saratani ya ini duniani.

Ugonjwa wa kirusi

Kirusi Hepatitis B husababisha maambukizi ya ini kwa binadamu, ambayo yanaweza kupona yenyewe au kubaki mwilini kwa miaka mingi na kusababisha madhara makubwa ya ini.

Ugonjwa wa Hepatitis B ulianza kugunduliwa lini?

Ugonjwa wa Hepatitis B ulitambulika kisayansi mwaka 1965 baada ya kugunduliwa kwa Antijen Australia  (baadaye ikaitwa HBsAg) na Baruch Blumberg, ambaye alipata Tuzo ya Nobel mwaka 1976.

Kirusi Hepatitis B kipo katika familia gani?

Kirusi Hepatitis B ni kimoja kati ya virusi wa familia ya Hepadnaviridae.

Virusi katika familia hii hufahamika kwa:

• Kuwa na DNA

• Kuathiri zaidi ini

• Kuwa na mzunguko wa kipekee wa kuzaliana ndani ya seli za ini

Virusi wengine katika familia ya Hepadnaviridae

Familia ya Hepadnaviridae ina virusi wanaoambukiza binadamu na wanyama, wakiwemo;

• Orthohepadnavirus

• Avihepadnavirus

Virusi wanaodhuru binadamu:

• Hepatitis B virus (HBV) pekee

Sifa za kirusi

Kirusi Hepatitis B kina sifa zifuatazo;

• Kina DNA yenye sehemu mbili (partially double-stranded DNA)

• Kina ganda(koti) la nje

• Kina umbo la duara (Dane)

• Huzaliana ndani ya seli za ini

• Kina protini muhimu kama HBsAg, HBcAg na HBeAg

Kirusi hutunzwa na nani?

Kirusi Hepatitis B hutunzwa na binadamu pekee.

Kirusi Hepatitis B kinaenezwa kwa njia gani?

Kirusi Hepatitis B kinaenezwa kupitia maji ya mwili yenye virusi, zikiwemo;

• Damu

• Shahawa

• Majimaji ya ukeni

• Maziwa ya mama (hatari ndogo sana)

Njia kuu za maambukizi ni;

• Ngono isiyo salama

• Kutumia sindano au vifaa vyenye damu iliyoambukizwa

• Kuambukizwa kutoka kwa mama kwenda kwa mtoto wakati wa kujifungua

• Kuchangia vifaa vya kuchanja, kuchora tattoo au kutoboa masikio

• Kuongezewa damu isiyopimwa

Vihatarishi vya kupata maambukizi ya Kirusi Hepatitis B

• Kutokupata chanjo ya Hepatitis B

• Kuwa na wapenzi wengi wa ngono

• Kuishi na mtu mwenye Hepatitis B

• Wahudumu wa afya

• Watoto wanaozaliwa na mama mwenye HBV

• Watu wanaotumia dawa za kulevya kwa sindano

• Wagonjwa wenye upungufu wa kinga mwilini

Dalili za ugonjwa wa Hepatitis B

Muda wa kuatema ni siku 30–180.

Dalili za Hepatitis B ya ghafla (acute):

• Homa

• Uchovu uliokithiri

• Kukosa hamu ya kula

• Kichefuchefu na kutapika

• Maumivu ya tumbo upande wa kulia juu

• Mkojo kuwa wa giza

• Kinyesi kuwa cheupe au cha udongo

• Macho na ngozi kuwa ya njano

Hepatitis B ya muda mrefu:

• Mara nyingi haina dalili kwa miaka

• Dalili hujitokeza ini linapoharibika sana

Vipimo

Vipimo vya kugundua Hepatitis B ni pamoja na;

• HBsAg

• Anti-HBs

• Anti-HBc (IgM na IgG)

• HBeAg na Anti-HBe

• HBV DNA (idadi ya nakala za virusi)

• Vipimo vya kazi ya ini (ALT, AST, Bilirubin)

• Ultrasound ya ini

• Faibroskan au bayopsi ya ini (kwa baadhi ya wagonjwa)

Magonjwa yanayofanana

Magonjwa yanayoweza kufanana dalili ni;

• Hepatitis A

• Hepatitis C

• Hepatitis D

• Hepatitis E

• Maambukizi ya ini yanayosababishwa na dawa au pombe

• Cytomegalovirus

• Epstein-Barr virus

Matibabu

Hepatitis B kali ya ghafla

• Mara nyingi hupona yenyewe

• Hutibiwa kwa kupumzika, maji na ufuatiliaji

Hepatitis B ya sugu

• Hutibiwa kwa dawa za kudhibiti kirusi, si kukiondoa kabisa

• Dawa hutumika kwa muda mrefu au maisha yote

Dawa zinazotumika ni pamoja na;

• Tenofovir

• Entecavir

• Pegylated interferon alfa

Kinga na chanjo

Fanya yafuatayo ili kujikinga;

• Pata chanjo kamili ya Hepatitis B

• Epuka ngono zembe

• Tumia vifaa safi visivyoshirikishwa

• Pima damu kabla ya kuongezewa

• Wahudumu wa afya wazingatie tahadhari za kinga

Je, kuna chanjo ya Kirusi Hepatitis B?

Ndiyo. Chanjo ya Hepatitis B ipo, salama na yenye ufanisi wa zaidi ya 95%.

• Hutolewa kwa dozi 3

• Hutolewa kwa watoto mara baada ya kuzaliwa

• Hulinda dhidi ya cirrhosis na saratani ya ini

Maswali yaliyoulizwa mara kwa mara na majibu yake

ULY clinic inakushauri uwasiliane na daktari wako siku zote kabla ya kuchukua hatua yoyote inayohusu afya yako

Wasiliana na daktari wa ULY clinin kwa ushauri na Tiba kwa kupiga nambza za simu au kubonyeza "Pata Tiba"chini ya tovuti hii