Alfajiri ni muda mzuri wa kushiriki ngono

Tafiti zinaonyesha kuwa, kiwango cha homoni testosterone inayokupa nguvu za kiume huongezeka kwa kiasi kikubwa kati ya sa moja hadi sa tatu asubuhi. Ongezeko la testosterone alfajiri huwafanya wanaume wengi wawe na nguvu zaidi na kuchelewa kumaliza wanaposhiriki ngono asubuhi. Hii ni kweli kwa wanaume chini ya umri wa miaka 46

Uzalishaji wa homon testosterone

Homon testosterone huzalishwa kwenye tezi za Leyding zinazpatikana kwenye korodani, mwitikio wa uzalishaji huchochewa na homoni zinazozalishwa kwenye ubongo zenye jina la FSH. Homon testosterone inapozalishwa, kiwango kidogo hubadilishw akuwa estriol ambayo hufanya kazi kama testosterone.

Kazi za homon testosterone

Inafahamika kwamba, homon testosterone hufanya kazi nyingi mwilini ikiwa pamoja na;

• Kuamsha hisia za kufanya ngono na nguvu za kiume

• Kuongeza uzito wa mifupa

• Kuhifadhi mafuta sehemu yake kwa wanaume

• Kukuza misuli

• Kuongeza nguvu za misuli na nguvu za kiume

• Kuzalisha chembe nyekundu za damu

• Kuchochea uzalishaji wa mbegu za kiume

Mahusiano ya testosterone na kazi zake kwenye tafiti

Tafiti moja iliyofanyika kwa wanaume kwa baadhi yao walipewa dawa za kupunguza kiwango cha homoni testosterone kwenye damu, wengine wakapewa homoni ya ziada zilionesha kwamba;

Wanaume waliokuwa na kiwango kidogo cha homoni waliambatana na dalili ya kuwa na misuli kidogo, kupungua kwa hamu ya kufanya ngono na uzalishaji kidogo wa mbegu za kiume

Wanaume waliokuwa na kiwango kizuri cha homoni kwenye damu, walionekana kuwa na misuli zaidi, wenye nguvu za mwili na kufurahia tendo la ndoa pamoja na uzalishaji wa kutosha wa mbegu za kiume

Vyakula vinavyoongeza uzalishaji wa testosterone na kuongeza nguvu za kiume

Vyakula vinavyoongeza uzalishaji wa homon testosterone ni vile vyenye vitamin D na madini zink kwa wingi. Vyakula hivyo ni pamoja na;

• Nyama ya ngombe/nyama nyekundu

• Maharagwe

• Mbaazi

• Chaza

• Samaki wenye magamba magumu jamii ya Shellfish kama kaa

• Mayai

• Maziwa

• Samaki tuna

Endapo una nguvu kidogo za kiume ufanyaje?

Endapo una tatizo la nguvu za kiume, jaribu kula mara kwa mara vyakula vinavyosemekana kuongeza nguvu za kiume vilivyoorodheshwa hapo juu. Na endapo umejaribu bila mafanikio ndani ya miezi mitatu, onana na daktari wako kwa uchunguzi zaidi kufahamu tatizo lako kisha upatiwe matibabu.