Je, unaweza kujifungua kawaida baada ya kujifungua kwa upasuaji katika ujauzito uliopita?

Jibu kwa ufupi

Jibu kwa ufupi: Upasuaji mara 1 wa mkato wa chini – mara nyingi unaweza kujaribu kujifungua kawaida hospitalini. Jadili mapema kliniki. Usijifungulie nyumbani wala kituo kisicho na upasuaji. Soma Wiki za kujifungua.

Maelezo

Nafasi nzuri ya kufanikiwa

• Upasuaji 1 tu, wa mkato wa chini wa kizazi.

• Sababu ya upasuaji uliopita haijirudii (mfano mtoto kulala vibaya, mtoto kuchoka).

• Uliwahi kujifungua kawaida kabla au baada ya upasuaji.

• Uchungu kuanza wenyewe; muda wa zaidi ya miezi 18 tangu upasuaji.

Hairuhusiwi au haishauriwi

• Mkato wa juu wa kizazi (wima, T au J) au upasuaji mkubwa wa fibroids kwenye kizazi.

• Kizazi kiliwahi kuchanika.

• Kondo la nyuma liko chini (placenta praevia).

• Sababu nyingine ya upasuaji ipo sasa.

• Upasuaji mara 2 au zaidi – uamuzi wa daktari bingwa; soma Mimba baada ya upasuaji mara mbili na Upasuaji mara nne.

Kuanzisha uchungu

• Huweza kufanyika hospitalini kwa njia maalumu; misoprostol haitumiki kwa aliyewahi kufanyiwa upasuaji – soma Jinsi ya kuanzisha uchungu.

Nini cha kufanya

• Anza kliniki mapema; leta taarifa ya upasuaji uliopita.

• Panga mahali pa kujifungua – hospitali yenye upasuaji na damu.

• Nenda hospitali mapema uchungu ukianza.

• Subiri angalau miezi 18 kabla ya mimba nyingine – soma Ujauzito wa muda mfupi baada ya upasuaji.

Dalili za hatari

Hospitali mara moja ukiwa na:

• Maumivu makali ya mfululizo kwenye kovu au tumbo.

• Damu ukeni.

• Mtoto kupunguza kucheza.

• Uchungu kusimama ghafla pamoja na maumivu makali.

Lini umwone daktari

• Mara tu unapojua una mimba.

• Kujadili njia ya kujifungua kufikia wiki 36.

• Mimba imefika wiki 41.

Maswali yanayoulizwa mara kwa mara