top of page

Mwandishi:

Mhariri:

Imeboreshwa:

Dkt. Charles W, MD

Dkt. Adolf S, M.D

31 Oktoba 2026, 15:23:37

Maudhi ya PEP

Jibu kwa ufupi


Jibu kwa ufupi: Maudhi ya PEP mara nyingi ni madogo na ya muda mfupi. Endelea kumeza; ukipata vipele, macho ya njano au kutapika kila kitu, nenda kituo cha afya. Soma PEP mara kwa mara.


Maelezo


Maudhi ya kawaida


  • Kichefuchefu, tumbo kujaa gesi, kuharisha.

  • Kichwa kuuma, uchovu, kizunguzungu.

  • Kukosa usingizi au ndoto (dolutegravir) – meza asubuhi kama inakusumbua usiku.


Maudhi nadra lakini makubwa


  • Vipele vya mwili mzima, homa, malengelenge (mzio).

  • Macho kuwa ya njano, mkojo mweusi (ini).

  • Mkojo kupungua (figo) – nadra kwa siku 28.


Mbadala


  • Kama TLD haiwezekani, mtoa huduma atachagua dawa nyingine zilizo kwenye miongozo ya kitaifa.


Nini cha kufanya


  • Meza na chakula kama kichefuchefu kinasumbua.

  • Kunywa maji ya kutosha.

  • Paracetamol kwa kichwa kuuma.

  • Usimeze pamoja na vidonge vya madini, antasidi – tenganisha saa 2 kabla au saa 6 baada.

  • Maliza siku 28; pima VVU wiki 12 baada ya tukio.

  • Soma Ngono zembe kwa anayetumia PEP.


Dalili za hatari


Kituo cha afya mara moja ukiwa na:


  • Vipele vya mwili mzima, malengelenge au vidonda mdomoni.

  • Macho ya njano, maumivu upande wa kulia juu ya tumbo.

  • Kutapika kila dozi.


Lini umwone daktari


  • Maudhi yanakufanya ushindwe kumeza.

  • Umekosa dozi.

  • Maudhi yanaendelea zaidi ya wiki 1.


Maswali yanayoulizwa mara kwa mara


1. Maudhi ya PEP ni yapi?

Kichefuchefu, kichwa kuuma, uchovu, kuharisha, kukosa usingizi.

2. Maudhi yanaisha lini?

Mara nyingi ndani ya siku chache hadi wiki 1.

3. Nikitapika baada ya kumeza, nifanyeje?

Ndani ya saa 1 – meza tena; ikiendelea mwambie mtoa huduma.

4. PEP inaharibu figo?

Ni nadra kwa siku 28.

5. Naweza kuacha PEP kwa sababu ya maudhi?

Usiache; ongea na mtoa huduma.

6. Dolutegravir inaleta ndoto?

Kwa baadhi; meza asubuhi.

Imeandikwa:

2 Aprili 2026, 19:17:51

ULY CLINIC inashauri usitegemee au kufuata ushauri wowote uliyoona kwenye makala hii bila kuwasiliana kwanza na daktari wako. Kabla ya kuchukua hatua yoyote ya matibabu, hakikisha umepata ushauri rasmi kutoka kwa daktari wako ili kuepuka madhara yoyote yanayoweza kutokea.

​

Makala hii ni ya kielimu tu na haitumiki kama mbadala wa matibabu ya daktari.

Rejea za mada hii:

  1. Ministry of Health Tanzania. National integrated HIV, hepatitis and STI management guidelines. Dodoma: MoH; 2023.

  2. World Health Organization. Guidelines for HIV post-exposure prophylaxis. Geneva: WHO; 2024.

bottom of page