Natokwa na uchafu ukeni kama maziwa ila hauna harufu tena pale nikikutana na mwezangu shida ni nini?

Jibu kwa ufupi

Swali la mteja: "Natokwa na uchafu ukeni kama maziwa, hauna harufu, hasa ninapokutana na mwenzangu. Shida ni nini?"

Jibu kwa ufupi: Kama hauna harufu, muwasho wala maumivu, mara nyingi ni wa kawaida. Soma Rangi ya ute ukeni.

Maelezo

Visababishi

• Ute wa kawaida – uke hujisafisha; huongezeka kabla ya uovuleshaji na ujauzitoni.

• Majimaji ya baada ya tendo – ute wa msisimko na shahawa huonekana kama maziwa saa kadhaa baadaye.

• [Fangasi](/magonjwa-na-saratani/fangasi-ukeni-vaginal-candidiasis) – mweupe mzito kama maziwa mgando, muwasho, kuungua.

• Bakteria vaginosis – mweupe-kijivu mwembamba wenye harufu ya samaki, hasa baada ya tendo.

• Homoni – vidonge vya uzazi wa mpango, mimba.

Soma pia Ute mweupe ni dalili ya nini? na Ute kama maziwa mabichi.

Nini cha kufanya

• Osha nje ya uke kwa maji safi; usiingize maji au sabuni ndani.

• Vaa chupi za pamba.

• Kojoa baada ya tendo.

• Usitumie dawa za kusafisha uke.

• Tumia kondomu kama hamjapimwa.

Dalili za hatari

• Maumivu ya tumbo la chini na homa – kituo cha afya mara moja.

Lini umwone daktari

• Muwasho au kuungua.

• Maumivu ukikojoa au wakati wa tendo.

• Uchafu wa njano, kijani au wenye harufu kali.

• Mwenzi ana dalili kama usaha uumeni.

Maswali yanayoulizwa mara kwa mara