Uvimbe ndani ya tumbo

Uvimbe ndani ya tumbo unaweza kusababishwa na saratani au sababu zisizo saratani, mara nyingi hutambuliwa wakati wa wa uchunguzi wa tumbo.

Dalili mbalimbali zinaweza kuambatana na uvimbe ndani ya tumbo, dalili hizo hutegemea sehemu uvimbe ulipo. Uvimbe ndani ya tumbo unaweza kumaanisha saratani, usaha ulio kwenye kifuko, madhaifu ya mishipa ya damu, au kinyesi ndani ya utumbo.

Uvimbe ndani ya tumbo unaweza kuleta dalili za hisia ya tumbo limejaa au kushiba, kushiba kirahisi, kuwa au kutokuwa na maumivu ya tumbo na kuonekana tumbo limevimba kwa uvimbe ulio mkubwa na kubadilika kwa sura ya nje ya tumbo.

Visababishi vya uvimbe ndani ya tumbo vinategemea sehemu uvimbe ulipo katika tumbo. Hapa chini utajifunza kuhusu visababishi mbalimbali kutokana na maeneo manne ya mgawanyiko wa tumbo

Visababishi vya uvimbe ndani ya tumbo

Visababishi vimegawanyika kulingana na uvimbe ulipo ndai ya tumbo kama ifuatavyo;

Robo ya juu kulia ya tumbo

• Kutanuka kwa mshipa wa aota

• Kolesistaitiz

• Kolelithiasis

• Saratani ya kibofu cha nyongo

• Saratani ya tumbo

• Saratani ya ini

• Kuvimba kwa ini

• Henia maeneo ya tumbo

• Hydronephrosis

• Usaha kwenye kongosho

• Saratani ya Figo

Robo ya chini kulia

• Kujaa kwa kibofu cha mkojo

• Saratani ya utumbo mpana

• Ugonjwa wa Crohn’s

• Hernia

• Vifuko maji kwenye ovary (Ovarian cyst)

• Vimbe za fibroid

Robo ya juu kushoto

• Mputo wa aota

• Saratani ya tumbo

• Hernia

• Hydronephrosis

• Usaha kwenye tezi ya kongosho

• Pancreatic pseudocysts

• Saratani ya figo

• Kuvimba kwa bandama

Robo ya chini kushoto

• Kujaa kwa kibofu cha mkojo

• Saratani ya utumbo mpana

• Hernia

• Diverticulitis

• Uvimbe maji ndani ya ovari (Ovarian cyst)

• Faibroidi

• Abdominal aortic aneurysm

• Volvulus

Uchunguzi wa uvimbe ndani ya tumbo

Ili kutambua chanzo cha uvimbe wa tumbo, daktari atafanya uchunguzi wa kimatibabu unaojumuisha:

Historia ya Matibabu

Dalili zinazoambatana kama maumivu, homa, kupoteza uzito, au kubadilika kwa kinyesi.

Aina ya lishe na tabia za kula.

Matumizi ya dawa, historia ya upasuaji, na magonjwa ya awali.

Uchunguzi wa Kimwili

Kupapasa tumbo kutambua uvimbe, maumivu, au ishara za uvimbe wa maji (ascites).

Kupima mapigo ya moyo, shinikizo la damu, na dalili za upungufu wa damu.

Vipimo vya damu

Kuangalia maambukizi, upungufu wa damu, au matatizo ya ini na figo.

Vipimo vya mkojo

Kuchunguza maambukizi ya njia ya mkojo au matatizo ya figo.

Vipimo vya kinyesi

Kutambua maambukizi au uwepo wa damu.

Ultrasound ya tumbo

Kugundua maji tumboni, uvimbe, au matatizo ya viungo vya ndani.

CT scan / MRI

Kuchunguza uvimbe usio wa kawaida, matatizo ya utumbo, au saratani.

Endoskopi / kolonoskopi

Kuchunguza utumbo kwa kutumia kamera ndogo.

Lini unapaswa kumwona daktari ukiwa na uvimbe ndani ya tumbo?

Unapaswa kutafuta msaada wa daktari haraka ikiwa:

• Uvimbekaji wa tumbo unaambatana na maumivu makali au yanayoendelea.

• Kuna damu kwenye kinyesi au kutapika damu.

• Unapoteza uzito bila sababu.

• Tumbo linakuwa na uvimbe unaoendelea bila kupungua.

• Unashindwa kupitisha gesi au haja kubwa.

• Unahisi uchovu mkubwa, homa, au ngozi na macho yanakuwa ya njano.

Matibabu ya uvimbe ndani ya tumbo

Matibabu ya uvimbe ndnai ya tumbo hutegemea kisababishi cha tatizo na yanaweza kujumuisha:

Mabadiliko ya Lishe

• Kula chakula kidogo mara kwa mara badala ya milo mikubwa.

• Kuepuka vyakula vinavyosababisha gesi kama maharagwe, kabeji, na soda.

• Kunywa maji mengi na kuepuka pombe na sigara.

• Kula vyakula vyenye nyuzinyuzi ili kuzuia kuvimbiwa.

Matumizi ya Dawa

• Antibiotiki: Ikiwa kuna maambukizi ya bakteria.

• Diuretiki: Kwa uvimbe unaosababishwa na maji tumboni (ascites).

• Dawa za kutuliza gesi: Kama vile simethicone kwa uvimbe wa gesi.

• Probiotics: Kusaidia usagaji chakula kwa kurekebisha bakteria wa utumbo

Upasuaji na tiba maalum

Upasuaji huweza kuhitajika ikiwa kuna uvimbe wa saratani, kuziba kwa utumbo, au matatizo mengine makubwa. Dawa za kemikali na mionzi zinaweza kutumika kwa wagonjwa wa saratani.

Jinsi ya Kuzuia Uvimbekaji wa Tumbo

Kuzuia uvimbe ndani ya tumbo hutegemea kisababishi, zifuatazo ni njia ya kuzuia uvimbe kwa baadhi ya visababishi.

• Kula chakula chenye afya: Epuka vyakula vya mafuta mengi na sukari nyingi.

• Kunywa maji ya kutosha: Husaidia usagaji wa chakula na kuzuia kuvimbiwa.

• Fanya mazoezi mara kwa mara: Husaidia kuimarisha usagaji wa chakula na kupunguza gesi.

• Epuka kula haraka: Kula polepole ili kuepuka kumeza hewa nyingi.

• Dhibiti msongo wa mawazo: Stress inaweza kuathiri mfumo wa usagaji wa chakula.

• Epuka matumizi mabaya ya dawa: Hasa antibiotics na dawa za maumivu bila ushauri wa daktari.

Maelezo ya ziada kuhusu uvimbe ndani ya tumbo

Uvimbekaji wa tumbo unaweza kuwa tatizo la muda mfupi au dalili ya ugonjwa mbaya. Ikiwa una dalili za wasiwasi, ni muhimu kumwona daktari kwa uchunguzi na matibabu sahihi. Kufuata lishe bora, kufanya mazoezi, na kuzuia vyakula vinavyosababisha gesi kunaweza kusaidia kupunguza hatari ya kupata uvimbekaji wa tumbo.