Dalili ya mzio

Mzio hutokea wakati mfumo wa kinga za mwili unaitikia vitu vigeni vyote vinapoingia kwenye mwili, mfano sumu mbalimbali, harufu za maua na poleni au baadhi ya vyakula kwa baadhi ya watu. Mfumo huu wa kinga za mwili ni muhimu sana kwani husaidia kumlinda mtu na sumu/kemikali ambazo hazihitajiki mwilini.

Hata hivyo baadhi ya watu huwa na mzio na vitu vya kawaida kama chakula, mfano dagaa, samaki, ngano n.k ambapo watu wengine hawana aleji na hivyo vitu.

Karibia kila mtu ana aleji na kitu Fulani katika Maisha yake.

Visababishi

Aleji husababishwa na nini?

Mara kitu kigeni kinapogusa kuta za mwili wa binadamu kupitia Ngozi au mdomoni, mfumo wa kinga za mwili hutengeneza kinga zidi yake ili baadae ipate kupambana na vitu hivyo vigeni. Antibodi huitikia kwenye kitu kigeni cha namna hiyo endapo kitakuja kwa mara ya pilina kuonyesha dalili za mzio/aleji kama vile kuvimba kwa ngozi na mfumo kupumua kwa shida au kuharisha.

Ukali wa mzio hutegemea mtu na mtu, baadhi ya watu hupata mzio mkali wa anaphailatiki unaotishia Maisha yake.

Aleji nyingi huwa hazitibiki, matibabu huelekezwa kupunguza dalili dalili tu.

Dalili za mzio

Dalili za mzio hutegemea aina ya mzio na sehemu gani imeathiriwa. Mzio huweza kuathiri mfumo wa kuingiza hewa kifuani, sainazi, pua, ngozi na mfumo wa chakula. Kila sehemu huwa na dalili zake za kipekee. Mzio mkali husababisha mwitikio mkubwa wa kinga za mwili na kuleta mzio wa anafailaktiki

Dalili za mzio wa puani

Mzio wa rhinaitis (Rhinaitiz) huweza kuathiri pua na kupelekea dalili za;

• Kupiga chafya

• Kuwashwa kwa pua na mdomo

• Kutokwa na maji maji puani

• Macho kuwa mekundu au kuvimba

Dalili za mzio wa chakula

Hii huweza kusabababisha;

• Maumivu ya mdomo

• Kuvimba kwa ulimi, uso au kifua Pamoja na maumivu ya ulimi

• Mzio wa anafailaksisi

Dalili za mzio kung'atwa na nyuki

Mzio wa kung'atwa na nyuki ,huweza kusabababisha;

• Kuvimba sehemu uliyong'atwa

• Mwili kuwasha

• Kukohoa

• Kifua kubana

• Kutoa sauti wakati wa kuhema ya mlio kama filimbi

• Kuishiwa pumzi

• Mzio wa anafailaksisi

Dalili za mzio wa dawa

Mzio wa dawa huweza kusabababisha;

• Ngozi kuwasha

• Vipele na harara

• Kuvimba uso

• Kutoa sauti wakati wa kuhema yenye mlio kama filimbi

• Mzio wa anafailaksisi

Dalili waanafailaksia

Baadhi ya mzio huweza kuendelea kuwa mzio wa anafailakasia, mzio huu ni mkali san ana unahitaji matibabu ya dharura. Mzio wa anafailaksia hupelekea kushuka kwa shinikizo la damu.

Dalili za mtu mwenye mzio wa anafailaksisi ni;

• Kupoteza fahamu

• Kushuka kwa Shinikizo la damu

• Kutoka na vipele kwenye ngozi

• Kizunguzungu

• Kuhisi mapigo ya moyo

• Mapigo ya moyo kwenda taratibu

• Kichefuchefu na

• Kutapika

Visababishi

Mzio wa kwenye hewa husababishwa na;

• Poleni za maua au miti, vinyesi vya wanayama na vumbi ndani ya nyumba.

• Baadhi ya vyakula

• Kung'atwa na wadudu

• Dawa mbalimbali kama dawa jamii ya Penicillin

Kinga ya mzio

Kujiepusha na mzio, kukaa mbali na visababishi na kutokula au kutumia dawa zinazosababisha mzio.

​