Dalili za amibiasis

Amibiasis ni ugonjwa unaosababishwa na protozoa aina ya amiba mwenye jina la Entamoeba Histolytica. Kimelea huyu huambukizwa kwa njia ya kula chakula kilichochanganyika na kinyesi au majimaji ya kinyesi cha mtu mwenye maambukizi hata kama hana dalili.

Kimelea huyu huambukizwa kwa njia ya kula chakula kilichochanganyika na kinyesi au majimaji ya kinyesi cha mtu mwenye maambukizi hata kama hana dalili.

Dalili za amibiasis

Dalili za amibiasis huanza kuonekana wiki 2 hadi 4 baada ya kupata maambukizi kwenye tumbo. Baadhi ya watu wanaweza kupata dalili mapema zaidi, hata hivyo ni asilimia 10 hadi 20 ya watu hupata dalili ambazo huwa kati ya zifuatazo;

• Kuharisha choo cha kawaida kunakoweza kupelekea kuharisha damu

• Maumivu ya tumbo

• Kubana kwa tumbo

• Kichefuchefu

• Kupoteza hamu ya kula

• Homa

Kuna dalili zingine za amibiasis?

Ndio!

Kuna dalili nyingine za maambukizi ya amiba ambazo zinaweza kuonekana endapo vimelea hawa wamevamia sehemu nyingine mbali na tumbo.

Dalili za maambukizi ya amiba kwenye Ini

Amiba anapoingia kwenye ini husababisha kutengeneza kwa usaa na kusababisha jibu lililojaa usaha, jipu hili linaweza kuwa kubwa na kusabbabisha mwonekano wa kuvimba kwa tumbo na dalili zingine.

Ugonjwa huu huitwa jipu la amiba kwenye ini ambao huwa na dalili zingine zifuatazo;

• Maumivu makali ya tumbo chini ya mbavu za kulia, ya kuchoma kama kisu na endelevu

• Kukohoa

• Homan a kutetemeka

• Kuharisha kinyesi kisicho na damu

• Kutojihisi vema na uchovu

Dalili za maambukizi ya Amiba kwenye ubongo

Maambukizi ya amiba kwenye ubongo husababisha kutungwa kwa usaha na hivyo kuleta ugonjwa unaofahamika kwa jina la jibu la amiba kwenye ubongo. Dalili zake hufanana na zile za homa ya uti wa mgongo ambazo ni dalili za awali na dalili za maambukizi makali.

Dalili za awali za maambukizi ya amiba kwenye ubongo

• Maumivu makali ya kichwa

• Homa

• Kichefuchefu

• Kutapika

• Kukakamaa kwa shingo

Dalili za baadae za maambukizi ya amiba kwenye ubongo

• Kubadilika kwa fahamu( kuchanganyikiwa)

• Kutotambua watu anaowafahamu

• Kutoweza tembea wima

• Degedege

• Kupooza kwa mshipa wa fahamu namba VII

• Kupooza sehemu ya mwili

Wakati gani wa kuwasiliana na daktari haraka unapokuwa na amibiasis

Mara nyingi maambukizi ya amiba hutibika endapo mtu atapata matibabu mapema iwezekanavyo na vimelea hawawezi sambaa kwenda sehemu hatari za mwili kama ini ubongo au kwenye moyo. ENdapo unapata dalili zifuatazo ni vema ukatafuta msaada wa daktari kwa uchunguzi na matibabu;

• Kuharisha damu au kinyesi chenye kamasi

• Kuharisha kunakodumu zaidi ya wiki mbili

• Maumivu ya tumbo

• Homa

• Kuvimba kwa tumbo

• Maumivu ya tumbo upande wa kulia sehemu ya juu au chini ya mbavu upande wa kulia

Wapi unaweza kupata taarifa zaidi kuhusu amibiasis?

Pata taarifa zaidi kuhusu namna maambukizi yanavyotokea, vipimo na tiba kwenye makala nyingine za ulyclinic kuhusu 'amibiasis'

Magonjwa mengine yenye dalili kama za amibiasis

Si wakati wote unapokuwa na dalili hizo ni kwamba utakuwa unaugua amibiasisi hivyo ni vema kufahamu kwamba kuna magonjwa mengine yanayoweza kuleta dalili zilizotajwa hapo juu. Magonjwa yanayofanana na amibiasis ambayo yanaweza kuleta kuharisha na wakati mwingine kuharisha damu ni;

• Shigelosis

• Salmonelosis

• Compylobacteriosis

• Maambukizi ya enteroinvasive na enterohemorrhagic Escherichia coli

• Ugonjwa wa inflamatori boweli

• Iskemiki kolaitiz

• Madhaifu ya mwingiliano wa arteri na vein

• Daivetikulaitiz

Majina mengine ya dalili za amibasis

Amibiasisi hufahamika na watu wengine kama;

• Dalili za amiba

• Dalili za amoeba

• Dalili za amoebiasis

• Dalili za amiba kwenye tumbo

• Dalili za amiba kwenye ubongo

• Dalili za amiba kwenye ini