top of page

Mwandishi:

Mhariri:

ULY CLINIC

Dkt. Adolf S, MD

26 Novemba 2020 15:35:43

Kujisaidia kinyesi chenye harufu mbaya
shahawa-zenye-damu-ulyclinic-compressor.

Kujisaidia kinyesi chenye harufu mbaya

Haja kubwa au kinyesi kwa kawaida huwa na harufu isiyopendeza watu wengi na wakati mwingine baadhi ya watu hukataa kabisa kuangalia kinyesi kwa sababu huweza kupata kichefuchefu au kutapia. Licha ya kuwa na harufu mbaya, kinyesi kinaweza kuwa na harufu mbaya zaidi ya ile ambayo umeizoea. Makala hii imezungumzia sababu za kitaalamu za kupata kinyesi chenye harufu mbaya.


Visababishi


Harufu mbaya ya kinyesi huweza kusababishwa na sababu mbalimbali ambazo ni;


  • Kutofyonzwa vema kwa chakula

  • Maambukizi tumboni

  • Matumizi ya dawa aina fulani

  • Kuugua magonjwa mengine


Kutofyonzwa vema kwa chakula

Hutokea endapo tumbo lako limepoteza uwezo wa kufyonza chakula kilichomeng’enywa kwa kiasi kinachotakiwa na hivyo kubaki tumboni. Chakula hiki hushambuliwa na bakteria hivyo kutengeneza harufu mbaya ya kinyesi. Baadhi ya magonjwa yanayosababisha kutofyonzwa kwa chakula vema ni;


  • Ugonjwa wa Celiac- mtu huwa na aleji na chakula chenye ngano na huambatana na harufu mbaya ya kinyesi pamoja na dalili zingine

  • Ugonjwa wa Crohn’s- mtu huwa na aleji na chakula chenye ngano na huambatana na harufu mbaya ya kinyesi pamoja na dalili zingine

  • Ugonjwa wa Ulcerative colitis

  • Mwili kutostahimili chakula cha wanga

  • Mwili kutotostahimili chakula cha protini

  • Mwili kutostahimili chakula chenye lactose mfano maziwa n.k

  • Aleji ya chakula mfano maziwa n.k


Maambukizi tumboni

Maambukizi kwenye mfumo wa tumbo huweza kupelekea kupata harufu mbaya ya kinyesi, maambukizi yanaweza kuwa ya bakteria, virusi au vimelea.


Dalili


Dalili zingine

  • Kinyesi kutoa harufu mbaya kama ya kitu kilichooza

  • Kutoa harufu mbaya ukila vyakula aina Fulani tu

  • Kuharisha au kupata haja ngumu

  • Kutoa upepo njia ya haja kubwa wenye harufu mbaya

  • Maumivu ya tumbo

  • Kuendesha

  • Kutoa kinyesi chenye mafuta

  • Tumbo kujaa gesi

  • Ganzi

  • Misuli kukaza

  • Vidonda mdomoni

  • Mvurugiko wa tumbo

  • Vipele vya aleji kwenye ngozi


Matumizi ya dawa aina Fulani

Matumizi ya baadhi ya dawa hupelekea kupata choo kinachonuka na hutokea sana ukiwa una aleji nazo, baadhi ya dawa za antibayotiki huweza kuleta kinyesi kutoa harufu mbaya kwa sababu huua bakteria walinzi na kuacha bakteria wanaoozesha chakula mfano wa dawa hizo ni


  • Dawa baadhi jamii ya antibaotic

  • Matumizi ya Vitamin A, D, E na K na Multivitamin


Magonjwa mengine

Magonjwa mengine kama ugonjwa sugu wa kidole tumbo (pancreatitis), cystic fibrosis na kuwa na utumbo mfupi kutokana na kukatwa wakati wa upasuaji husababisha kutoa kinyesi kinachonuka sana.


Wakati gani wa kwenda hospitali


Ukipata kinyesi kinachotoa harufu mbaya pamoja na dalili hizi onana na daktari wako haraka;


  • Homa

  • Maumivu ya tumbo

  • Kupungua uzito bila sababu

  • Kutetemeka mwili

  • Damu kwenye kinyesi

  • Kinyesi cheusi

  • Kinyesi kilichopauka

  • Kuharisha kunakoendelea

  • Dalili za kuishiwa maji mwilini

  • Utapiamlo


Kinga


Fanya mambo yafuatayo ili ujikinge kupata harufu mbaya ya kinyesi


  • Epuke kutumia maziwa ambayo hayajachemshwa

  • Zuia kutumia vyakula ulivyo na aleji navyo au ambavyo tumbo lako halivifyonzi vema

  • Endapo una magonjwa yaliyotajwa hapo juu fanya hima kupata uchunguzi na matibabu

  • Kama una ugonjwa wa crohn’s au ulcerative colitis, epuka vyakula vinavyochokoza tumbo lako

  • Zuia vyakula visioze kwa kuvitunza vema kabla ya kuvipika au kuvila. Tunza vyakula kwenye jokofu, vipashe au pika na viive kabla ya kula.

ULY CLINIC inakushauri siku zote uwasiliane na daktari wako kwa ushauri na tiba zaidi kabla ya kuchukua hatua yoyote ile ya kiafya baada ya kusoma makala hii.

Wasiliana na daktari wa ulyclinic kwa ushauri zaidi na tiba kwa kutumia namba za simu au kubonyeza link ya Pata Tiba chini ya tovuti hii

Imeboreshwa, 

19 Julai 2023 19:54:47

Soma dalili zingine Zaidi kwa kubonyeza herufi ya mwanzo hapa chini

[A] [B] [C] [D] [E] [F] [G] [H] [I] [J] [K] [L] [M] [N] [O] [P] [Q] [R] [S] [T] [U] [V] [W] [X] [Y] [Z] [Z] [#]

Rejea za mada

1.Chronic pancreatitis causes and symptoms. https://pancreasfoundation.org/patient-information/chronic-pancreatitis/causes-and-symptoms/ Imechukuliwa 24.11.2020
2.Milk & dairy allergy. https://acaai.org/allergies/types-allergies/food-allergy/types-food-allergy/milk-dairy-allergy. Imechukuliwa 24.11.2020
3.What is inflammatory bowel disease (IBD)?. https://www. cdc.gov/ibd/what-is-IBD.htm. Imechukuliwa 24.11.2020
4.What is celiac disease? (n.d.). https://www.celiac.org/about-celiac-disease/what-is-celiac-disease/ Imechukuliwa 24.11.2020
5.Healthline. Foul smelling stool. https://www.healthline.com/health/stools-foul-smelling#prevention. Imechukuliwa 24.11.2020
6.These 6 factors could be making your poop smell so bad!. https://timesofindia.indiatimes.com/life-style/health-fitness/health-news/six-reasons-why-your-poop-smells-so-bad/photostory/71274090.cms. Imechukuliwa 24.11.2020

bottom of page