Maumivu ya uke wakati wa tendo

Disparunia ni neno la tiba linalotumiwa na ULY clinic, neno hili limetokana na neno tiba disypareunia ambalo pia lilitokana na neno la kiingereza “dys”- ugumu na neno la kigiriki “pareunos” wa kulalala na mwenza.

​

Hivyo neno disparunia maana yake ya awali ni ugumu wa kulala kimwili na mwenza au maumivu ya uke wakati wa kujamiiana au maumivu wakati wa tendo la ndoa.

​

Maumivu makali ya uke wakati wa kujamiiana au kujisafisha huweza sababishwa na mambo mbalimbali ikiwa pamoja na aina ya maumbile, hali ya uke na magonjwa. Sababu za hali ya uke huwa pamoja na uke uliokauka au kutokuwa na majimaji ya kutosha wakati wa tendo ambapo huweza kutokana na matumizi ya dawa aina fulani au udhaifu wa kutozalisha kiwango sahihi cha homoni za kike kwenye damu.

Dalili na viashiria

Dalili na viashiria vya maumivu makali wakati wa ngono huwa pamoja na

• Kupata maumivu wakati uume unaingia

• Kupata maumivu mara zote uume unapoingia au unapojisafisha

• Kupata maumivu makali wakati uume unapoingia na kutoka wakati wa tendo

• Kupata maumivu ya kuungua au kuchoma

• Kupata maumivu ya kupwita pwita.

​

Visababishi

​Visababishi vya maumivu makali ya uke wakati wa uume au kitu kigeni kinaingia ukeni ni pamoja na:

​

Kutokuwa na ute wa kutosha ukeni

Kwa kutoandaliwa vema wakati wa tendo la kujamiiana, kutokuwa na hisia za tendo au mabadiliko ya homoni kama yanayotokea kwa wanawake wanaoelekea kwenye umri wa komahedhi au walio kwenye komahedhi husababisha majimaji ya uke kuwa kidogo na kupelekea maumivu ya uke.

Matumizi ya dawa za aina fulani

Pia huweza kusababisha kupunguza hamu ya tendo na maji ya uke. Dawa hizi ni pamoja dawa za magonjwa ya akili (antidepressant), dawa za kushusha presha, dawa jamii ya sedativi, dawa za jamii ya antihistamini na dawa za kumeza za uzazi wa mpango.

Majeraha

Majeraha kwenye uke yanaweza kutokana na ajali, upasuaji wa nyonga, ukeketaji, au kuongezewa njia ya uke wakati wa kjifungua.

​

Michomo, maambukizi na matatizo ya Ngozi

​

Maambukizi kwenye uke au magonjwa ya Ngozi ya uke yanaweza kukusababishia maumivu wakati wat endo la kujamiana

​

Vajinizimu- hutokana na misuli ya uke kubana kwa muda mrefu pasipokuachia pasipo lazima, hali hii huleta maumivu makali sana wakati wa tendo.

​

Madhaifu ya kuzaliwa nayo

Matatizo ya kuzaliwa ambayo huonekana sana utotoni, kutokuwa na uke au kuwa na uke nusu au kuwa na ukuta wa bikra (haimen). (ukuta unaoziba kitu chochote kuingia kwenye uke) au kizazi kilichokaa vibaya huweza kusababisha maumivu ya uke.

​

Maumivu makali kwenye kilele cha uke

Maumivu ya ndani hutokea endapo uume umezama ndani kabisa. Maumivu haya huweza kuwa makali zaidi kutegemea pozi la wakati wa tendo. Visababishi vya maumivu haya huwa ni aina fulani ya magonjwa na hali kama vile uvimbe wa faibroidi, adenomayosisi, uvimbe maji kwenye ovari na bawasili, sindromu matumbo korofi na udhaifu kwenye sakafu ya nyonga. Sababu zingine ni ugonjwa wa Michomokinga kwenye nyonga, maambukizi kwenye vifuko maji ndani ya ovari na endometriosisi.

Upasuaj na dawa unaweza kuchangia pamojakama upasuaji wa kuondolewa kizazi, na dawa za kemotherapi na mionzi.

​

Matatizo ya hali ya moyo

Maumivu wakati wa kujamiana huweza kusababishwa na magonjwa ya kisaikolojia kama ugonjwa wa Ang’zayati, dipresheni, hofu ya kuogopa mahusiano, msongo wa mawazo, magonjwa ya somataizesheni n.k.

​

Hata hvyo kufanyiwa ukatili wa kijinsia unaweza kuchangia maumivu wakati wa tendo, ikumbukwe tafiti zinaonyesha si kila mwanamke aliyepata ukatili wa kijinsia hupata tatizo la maumivu wakati wa tendo.

​

Jedwali 1: Baadhi ya visababishi vya maumivu wakati wa Tendo la ndoa kwa mwanamke

Matibabu ya maumivu makali ya uke wakati wa ngono

​Matibabu yataanza na vipimo kisha kupewa tiba kulingana na visababishi vilivyofahamika. Endapo unatatizo la kisaikolojia, daktari wa saikolojia atakuwa nawe kukushauri katika darasa maalumu ili urejee kwenye hali ya kawaida. Kuhusu matibabu zaidi soma kwenye jedwali namba 1 hapo juu.

Hitimisho

Maumivu wakati wa tendo la ndoa kwa mwanamke si jambo la kawaida, wala si hali ya kuvumilia kimyakimya. Ni dalili muhimu inayoweza kuashiria matatizo ya kiafya, kihisia, au kisaikolojia. Kwa kutambua dalili mapema na kuchukua hatua sahihi- ikiwa ni pamoja na mawasiliano ya wazi na mwenzi, matumizi ya tiba za nyumbani, na kufuata ushauri wa kitaalamu — matatizo haya yanaweza kutibiwa na maisha ya ndoa kurejea katika hali ya furaha na starehe.

Kumbuka:

• Hakuna sababu ya aibu kutafuta msaada.

• Mawasiliano baina ya wanandoa ni silaha ya kwanza ya uponyaji.

• Na mwisho, mtaalamu wa afya yupo kusaidia, si kuhukumu — usisite kumwona unapohisi haja.

Majina mengine ya makala hii

Makala hii huwa na majina mengine yafuatayo yanayomaanisha maumivu ya uke wakati wa kujamiana

• Maumivu ya uke wakati wa kujamiana

• Maumivu ya uke wakati wa kuingiza uume

• Maumivu ya uke wakati wa kufika kileleni

• Maumivu ya uke wakati wa ngono