Maumivu ya misuli

Maumivu ya misuli si ugonjwa bali ni hali au tatizo Fulani linaloendelea ndani ya mwili. Baadhi ya visababishi vikuu huwa ni mgandamizo, matumizi makubwa ya misuli, msongo wa misuli au ndani ya misuli.

Maumivu ya misuli yanaweza tokea kwenye misuli ya kundi moja au misuli yote ya mwilini. Maumivu yanayokuwa misuli yote ya mwili mara nyingi husababishwa na ugonjwa, madhara ya dawa au maambukizi mwilini

Visababishi

Visababishi vikuu vya maumivu ya misuli katika Makala hii vimegawanywa sehemu 5 mbalimbali ambazo ni;

• Maambukizi

• Magonjwa ya shambulio la kinga ya mwili

• Majeraha kwenye misuli

• Matumizi ya baadhi ya dawa

• Madhaifu ya mfumo wa fahamu wa misuli

Maambukizi kwenye misuli

Maambukizi kwenye misuli yanaweza kutona na;

• Virusi vya mafua

• Ugonjwa wa lyme

• Ugonjwa wa Rocky Mountain spotted fever unaosababishwa na kung’atwa na kupe

• Malaria

• Trichinosis

• Ugonjwa wa COVID-19

Magonjwa ya shambulio la kinga ya mwili

Magonjwa haya hutokana na kinga ya mwili kushambulia mwili wako ikizani kuwa ni ugonjwa, mfano wake ni

• Ugonjwa wa Myositis

• Ugonjwa wa Polymyositis

• Ugonjwa wa Lupus

• Ugonjwa wa Multiple sclerosis

Majeraha kwenye misuli

Maumivu ya misuli yanayweza kutokea wakati unafanya mazoezi au kufanya kazi inayotumikisha misuli. Maumivu ya misuli kutokana na matumizi ya misuli hutokea masaa kadhaa baada ya kitendo cha kutumia misuli. Unaweza kupata maumivu ya misuli yanayochelewa kutokea endapo;

• Umeanza kufanya mazoezi kwa mara ya kwanza

• Umeongeza shughuli ingine kwenye mazoei unayofanya

• Umeongeza kiwango cha mazoezi kwenye mazoezi unayofanya kama kuongeza uzito unaonyanyua, kukimbia kwa kasi zaidi n.k

• Kufanya mazoezi au shughuli inayotumia misuli mara nyingi zaidi bila kuwa na mapumziko

Hata hivyo baadhi ya hali na mambo yanayoweza kupelekea kupelekea maumivu ya misuli ni pamoja na;

• Majeraha kwenye misuli ya tumbo

• Majeraha misuli ya nyuma ya mgongo

• Kuvunjika kwa mfupa

• Syndrome ya myofascial inayotokana na kutumika sana kwa misuli

• Tatizo la tendinitis

• Tatizo la tendinosis

Matumizi ya baadhi ya dawa

Baadhi ya dawa huweza kusababisha maumivu ya misuli ya muda mfupi au muda mrefu. dawa hizi huweza kusababisha uvimbe kwenye misuli unaotokana na mwitikio wa kinga za mwili au kuamsha hisia za mfumo wa maumivu.

Dawa zinazoweza kusababisha maumivu ya misuli ni pamoja na;

Dawa za saratani

Dawa jamii ya ACE inhibitor zinazotumika kushusha shinikizo la juu la damu kaa vile;

• Benazepril (Lotensin)

• Captopril.

• Enalapril (Vasotec)

• Fosinopril.

• Lisinopril (Prinivil, Zestril)

• Moexipril.

• Perindopril.

• Quinapril (Accupril)

• Ramipril (Altace)

• Trandolapril

Dawa jamii ya statins

• Atorvastatin (Lipitor®)

• Fluvastatin (Lescol. ®)

• Lovastatin (Mevacor®)

• Pravastatin (Pravachol®)

• Rosuvastatin (Crestor®)

• Simvastatin (Zocor®)

Madhaifu ya mfumo wa fahamu wa misuli

Magonjwa yatokanayo na madhaifu ya mfumo wa fahamu wa misuli yanayoweza kupelekea maumivu ya misuli ni pamoja na;

• Ugonjwa wa amyotrophic lateral sclerosis

• Ugonjwa wa kuisha kwa misuli (muscular dystrophy)

• Ugonjwa wa myasthenia gravis

• Ugonjwa wa spinal muscular atrophy

Visababishi vingine

Sababu zingine zinazoweza kusababisha maumivu ya misuli ni pamoja na;

• Kupotea kwa usawia wa madini kwenye damu

• Magonjwa ya mishipa ya damu ya pembeni

• Msongo au kugandamizwa kwa misuli

• Saratani kama vile saratani ya sarcoma na damu

• Shinikizo la juu kwenye misuli

• Sindromu ya uchovu mkali

• Tatizo la Hypothyroidism

• Ugonjwa wa fibromyalgia

Vipimo

Vipimo vitategemea kisababishi ambacho kimeonekana kutokana na historia ambayo daktari ataichukua kwako na uchunguzi wa awali wa kuangalia mwili wako.

Baadhi ya vipimo vinavyoweza kufanyika ni pamoja na;

• Kipimo cha FBP

• Kipimo cha serum electrolyte

• Kipimo cha CT scan au MRI

• Kipimo cha Ultrosound

• Kipimo cha Discography au Myelogram

• Kipimo cha Nerve block

Matibabu

Matibabu yatategemea kisababishi kilichofahamika. Daktari wako anaweza kuamua matibabu yako kulingana na hali ya mwili wako. Hata hivyo matibabu kwa ujumla huhusisha , matibabu ya dawa za maumivu ili kuondoa dalili na matibabu ya mazoezi ya maalumu ya misuli ya mwili

Matibabu ya nyumbani

Ili kuzuia kuendelea kwa maumivu ya misuli unaweza kufanya mambo yafuatayo

Pumzisha mwili wako

• Kama maumivu ya misuli ni makali, fikiria kuhusu kupumzika au kupumzisha misuli ya wili wako ili kuipa muda wa kupona na kutoendelea kwa majeraha

• Endapo maumivu ya misuli yametokana na mazoezi, endelea kufanya mazoezi, hii itapalekea seli za hisia za maumivu kuhisi kuzoea maumivu na kisha maumivu yatapotea

• Kanda kwa kutumia barafu iliyotiwa kwenye mfuko wa plastiki eneo lenye maumivu ya misuli kwa muda wa dakika 15 hadi 20 kila baada ya masaa nane

• Tumia kigandamiza misuli ili kupunguza uvimbe endapo una uvimbe kwenye misuli

• Weka eneo lenye maumivu ya misuli juu ya usawa wa moyo ili kupunguza uvimbe. Mfano unaweza weka miguu juu ya mto wakati umelala n.k

• Tumia dawa za maumivu kwa maumivu sugu au ya muda mrefu. Utahitaji ushauri wa daktari wako dawa gani utumie na kwa muda gani

• Fanya mazoezi ya kunyoosha misuli yako pamoja na mazoezi ya kuondoa maumivu ya misuli. Utahitaji ushauri pia wa mtaalamu wa mazoezi ya misuli kuhusu mazoezi gani unatakiwa kufanya

• Fanya shughuli zinazopelekea kupunguza msongo wkenye misuli na akili yako. Unaweza fanya mazoezi ya yoga au kuwa na muda wa tafakuri ya kina