Nyuropathi ya pembezoni

Ugonjwa wa neva ni matokeo ya kujeruhiwa kwa ubongo na uti wa mgongo. Majeruhi husababisha udhaifu wa neva, ganzi na maumivu hasa kwenye miishio ya mwili kama vile mikononi na miguuni hata hivyo pia sehemu mbalimbali za mwili huweza kuathiriwa.

Makala hii imezungumzia dalili za nyuropathi ya pembezoni ikimaanisha nyuropathi kwenye viungo vyua miguu na mikono na huitwa kwa lugha nyingine ya peripheral neuropathy

Mfumo wa neva hutuma taarifa kutoka kwenye ubongo na uti wa mgongo kwenda sehemu zingine za mwili kupitia kemikali zinazoitwa nyurotransmita na kupitia mishipa ya fahamu. Taarifa hizi huenda maeneo husika na zingine hurejesha ujumbe au kuleta ujumbe mpya kwenye ubongo na uti wa mgongo.

Magonjwa ya nyuropathi huweza kusababishwa na magonjwa ya uti wa yanayosababishwa na ajali , maambukizi, magonjwa ya kurithi ,sumuna kisababishi kukuu ni ugonjwa wa kisukari.

Dalili

• Kuanza taratibu kuhisi ganzi ,kuhisi hali ya kuchomwa chomwa kwenye miguu au mikono ambayo husambaa kwenda kwenye vidole vya miguu na mikono

• Kupata maumivu makali au ya kuchoma

• Kutohisi maumivu kabisa

• Kukosa uwiano wa kutembea na kuanguka

• Misuli kuwa dhaifu

• Kuhisi kama umevaa soki na wakati hujavaa au kuhisi kama umevaa glovu wakati hujavaa

• Kupooza

Dalili za kuathiriwa kwa neva za autonomic

• Kushindwa kuvumilia joto

• Kutokwa sana au kutotokwa na jasho kabisa

• Matatizo ya kushindwa kutoa mkojo na kupat ahaja kubwa

• Kuhisi kizunguzungu

Visababishi

• Magonjwa yanayoshambulia mfumo wa kinga za mwili kama baridi yabisi na Ukimwi na Ukoma

• Ugonjwa wa kisukari ,Nusu ya wagonjwa hawa huwa hupata nyuropathi

• Maambukizi mbalimbali kama ya bakteria na Virusi (Epstain Bar, Hepatitis), Virusi vya Ukimwi)

• Magonjwa ya kurithi ya neva

• Saratani mbalimbali ambazo huweza kukandamiza neva na kuzuia utendaji kazi wake.

• Magonjwa mengine kama ya figo na ini

Jinsi ya kujikinga

• Kula mlo kamili kutoka kwenye makundi matano ya chakula, usisahau chakula chenye mboga za majani kwa wingi na matunda huku ukiepuka vyakula vyenye Mafuta na sukari kwa wingi

• Kuwa na ratiba maalumu ya mazoezi angalau dakika 30 kwa siku katika siku 3 au 4 za wiki

• Jiepushe na sababu zote zinazosababisha magonjwa ya neva