Prostaitisi sugu

Prostaitiz sugu ni michomo kwenye tezi dume inayotokana na shambulio la kinga kwenye vimelea walio kwenye tezi dume, shambulio hilo hudumu angalau kwa muda wa miezi mitatu na kuendelea.

Prostaitiz sugu licha ya kutoonyesha dalili mara nyingi, huweza kusababisha kutokwa na uchafu mwembamba, kama maziwa na wakati mwingine huwa na weupe wa maji na unaonata.

Uchafu huu huonekana kwenye tundu la uume muda baada ya kuwa na kipindi cha muda mrefu kati ya kenda haja moja ndogo na nyingine kama vile asubuhi.

Dalili

Dalili zinazoweza kuambatana ni

• Maumivu butu ndani ya puru na tezi dume

• Maumivu wakati wa kutoa shahawa

• Kukojoa mara kwa mara

• Kushindwa zuia mkojo

• Maumivu wakati wa kukojoa

Visababishi

Kuna sababu mbalimbali zimeelezewa kuchangia prostaitiz sugu ambazo ni;

• Maambukizi ya kujirudia katika njia ya mkojo haswa yale yanayosababishwa na bakteria kama E. Coli, Enterococci, Pseudomonas, Klebsiella, Proteus, Chlamydia, Ureaplasma, enterobactericeae.

• Uchokozi wa kemikali kwenye tezi

• Madhaifu kutokana na kukojoa kwa shinikizo kubwa kutokana kuziba kwa njia ya hewa n.k

• Kucheuliwa kwa mkojo ndani ya mirija ya tezi dume

• Madhaifu ya mfumo wa fahamu na misuli

• Magonjwa ya shambulio binafsi la kinga za mwili

• Interstitial sistaitiz