Udhaifu wa umbile la kichwa cha mtoto

Katika makala hii, udhaifu wa umbile la kichwa cha mtoto ni neno lililotumika kumaanisha tatizo la kitiba linalofahamika kwa jina la craniosynostosis.

Ni nini maana ya craniosynostosis

Craniosynostosis ni neno tiba linalotamkwa ‘kray-nee-o-sin-os-TOE-sis’ (kraniosinosToesis). Hili ni tatizo la kuzaliwa, husababishwa na kukomaa kabla ya wakati kwa tishu za fibrous zinazotenga mifupa ya kichwa cha mtoto. Tishu za fibrous kichwani zipo za aina nyingi kama zinavyoonekana kwenye picha namba moja.

Kwa kawaida watoto ambao hawana tatizo hili, tishu za fibrous huwa laini zaidi kuliko mifupa ya kichwa na huipa nafasi mifupa ya fuvu kujitanua na kujipanga vema jinsi ubongo unavyokuwa kwa umbo na ujazo mtoto anavyokuwa.

Watoto wenye tatizo la Craniosynostosis, tishu za fibrous hukomaa kabla ya wakati na kusababisha utosi wa mtoto kujifunga mapema zaidi. Kwa vile ubongo wa mtoto huendelea kukua jinsi mtoto anavyoongezeka umri katika miaka miwili ya kwanza, kufunga kwa utosi(tosi) kabla ya wakati hupelekea kichwa kuwa na umbo lisilo la kawaida kutokana na ubongo kutanua sehemu yoyote ile ya mifupa ya fuvu na kufanya umbo lisiwe la kawaida.

Ukubwa wa tatizo

Tatizo hili hutokea kwa mtoto mmoja(1) kati ya watoto elfu mbili miatano (2500) wanaozaliwa duniani

Dalili

Dalili huonekana wakati mtoto anazaliwa, na huendelea kuonekana zaidi mara baada ya kuanza kukua haswa katika mwezi wa kwanza wa maisha ya mtoto. Mwonekano wa kichwa hutegemea ni aina gani na idadi ya tosi zilizojifunga. Dalili huhusisha

• Kuwa na kichwa chenye umbile lisiloeleweka

• Mtoto kukosa utosi

• Kujihisi vibaya au mwonekano wa kichwa usio vutia

• Kukua taratibu au kutokukua kabisa kwa umbile la kichwa jinsi mtoto anavyokuwa

Aina za Craniosynostosis

Aina za maumbile mbalimbali ya kichwa yanayosababishwa na tatizo hili hufahamika, aina hizo hutegemea aina ya utosi ulioathiriwa. Endapo tosi zilizojifunga ni mbili, umbile la kichwa litatofautiana na lile lililosababishwa na kujifunga kwa utosi mmoja. Baadhi ya maumbile ya kichwa yanayoonekana kwenye picha namba mbili.

Craniosynostosis huweza ambatana na madhaifu kwenye mfumo wa neva pamoja na madhaifu ya kiakili kwa watoto wenye ongezeko la shinikizo ndani ya kichwa. Hata hivyo watoto wengi hukua kawaida bila kuwa na matatizo yoyote ya kiakili.

Visababishi

Kisababishi halisi cha tatizo la Craniosynostosis hakifahamiki, hata hivyo vifuatavyo husemekana kuwa visababishi;

• Madhaifu katika jeni (vinasaba)

• Mtoto kulala upande mmoja kwa muda mrefu zaidi

• Sababu zisizofahamika

Madhara

• Udhaifu wa kudumu wa umbile la kichwa

• Kukosa kujiamini

• Kujitenga na jamii

• Kuchelewa kupata maendeleo ya ukuaji ya mtoto

• Madhaifu ya kiakili

• Kuchoka kwa mwili

• Upofu

• Madhaifu ya misuli ya macho

• Degedege

• Kifo kwa mara chache

Utambuzi

• Utambuzi wa tatizo wakati wa kuzaliwa huonekana endapo mtoto hana utosi, hii ni sehemu laini kwa mtoto mchanga aliyezaliwa na baadhi ya tosi kama utosi wa mbele huambatana na mdundo kama wa mshipa wa damu

• Kuonekana kwa mwinuko maeneo ambayo tosi zimefunga mapema

• Kukua taratibu au kutokukua kabisa kwa kichwa cha mtoto

Matibabu

Matibabu mara nyingi huhusicha upasuaji wa mifupa ya kichwa ili kufanya kichwa kiwe na umbo zuri na kupunguza shinikizo ndani ya kichwa, upasuaji huu hufanyika mapema zaidi wakati mtoto anaendelea kukua.

Matatizo mengine

Matatizo mengine yanayoweza kufanana na tatizo hili ni;

• Plagiocephaly

• Scaphocephaly

• Brachycephaly

Msaada zaidi

Kusoma zaidi kuhusu matatizo haya ingia kwenye sehemu nyingine ndani tovuti.