Usaha sehemu za siri

Usaha ni majimaji mazito yenye rangi ya njano au ukijani yanayotokea sehemu ambayo tishu zimeathirika na maambukizi ambayo yanaweza kuwa ya bakteria, fangasi n.k. Usaha hutokana na seli nyeupe za damu zilizokufa Pamoja na serumu. Usaha hutokea pale ambapo kinga asilia ya mwili inapoitikia mapambano dhidi ya bakteria au fangasi wanaoshambulia sehemu ya mwili.

Kutokwa na usaha sehemu za siri huweza kutokea kutokana na maambukizi ya bakteria kwenye uke au fangazi mfano vaginosis au maambukizi kwenye njia ya mkojo kwa mwanaume mfano prostaitizi.

Vihatarishi

• Maambukizi kwenye njia ya mkojo mfano UTI na payelonephraitizi ambayo hupelekea usaha kwenye figo.

• Magonjwa ya zinaa mfano klamidia, kisonono, kaswende na trikomoniasisi

• Upungufu wa kinga mwilini

• Maambukizi kwenye tezi dume

• Maambukizi sugu kwenye kibofu cha mkojo

• Mzio au uvimbe sehemu yeyote ya kibofu cha mkojo

• Maambukizi kutokana na mawe kwenye kibofu cha mkojo au kwenye figo

• Saratani kwenye shingo ya kizazi, kwenye mfuko wa uzazi au kwenye ovari

Dalili

• Maumivu makali ya kuchoma wakati wa kukojoa

• Maumivu chini ya kitovu

• Homa

• Kutapika

• Maumivu wakati wa tendo la ndoa (kujamiiana) hasa usaha utokanao na maambukizi kwenye seviksi (servisaitizi)

• Kuvimba kwa korodani moja hasa kwa waathirika wa kisonono