top of page

Combretum glutinosum

Imeandikwa na:

Dkt. Benjamin l, MD

4 Agosti 2021 19:07:14

Utangulizi

Combretum glutinosum ni moja ya mmea maarufu katika tiba asili kutokana na uwezo wake wa kupunguza maji mwilini, kushusha shinikizo la juu la damu na kutibu kikohozi. Tafiti nyingi zilizofanyika zimeonyesha matokeo yake mazuri katika tiba. Combretum glutinosum huwa na tindikali za Gallic, ellagic, flavonoid glycosides pamoja na tannin aina ya 2,3-(S)-hexahydroxydiphenoyl-D-glucose, punicalin, punicalagin na combreglutinin.

Sifa za Combretum glutinosum

Sifa za mmea Combretum glutinosum
• Ni mmea mdogo kwa umbo, unaoweza kufikia urefu wa mita 10
• Huwa na maua ya njano
• Matunda yake huwa na mabawa manne ya njano yanayokauka na kubadili rangi yake kuwa kahawia

Uwezo wa Combretum glutinosum kitiba

Combretum glutinosum huuzwa barani Ulaya na nchi nyingi barani Afrika kama dawa asili ya;
• Kushusha shinikizo la damu
• Kupunguza maji mwilini
• Kikohozi
• Bronkaitizi
• Kuondoa manjano
• Mafua ya kirusi influenza
• Baridi yabisi
• Kuongeza nguvu za kiume
• Ugumba kwa wanaume
• Kaswende
• Malaria

Matumizi ya Combretum glutinosum kutibu shinikizo la damu

Kwa matibabu ya shinikizo la juu la damu na kupunguza maji mwilini

Kunywa dikoksheni iliyotengenezwa kwa gramu 30 za majani kwenye lita moja ya maji. Fanya uchunguzi wa chinikizo la damu na uzito baada ya matumizi.

Matumizi ya Combretum glutinosum kutibu kikohozi

Kutibu kikohozi. Kunywa dikoksheni iliyotengenezwa kwa gramu 30 za majani kwenye lita moja ya maji baada ya kuongeza sukari kijiko kimoja cha chai.

Maudhi ya Combretum glutinosum

Maudhi ya Combretum glutinosum hayafahamiki, hata hivyo kwa sababu hushusha shinikizo la damu baadhi yake endapo utazidisha dozi huwa ni;
• Kizunguzungu
• Maumivu ya kichwa
• Kupoteza fahamu

Namna ya kuandaa aina mbalimbali za dawa kutoka kwenye mmea

Namna ya kuandaa infusheni ya dawa asilia

Infusheni huandaliwa kwa kuzamisha sehemu ya mmea unayotaka kutumia kama dawa kwenye kiasi cha maji yaliyochemka. Baada ya kuzamisha kwenye maji yaliyochemka, maji hayo huchujwa baada ya dakika 15. Dozi ya dawa inayotakiwa kuandaliwa kwa wastani huwa ni gramu 1 kwa kila mililita 10 za maji.

Kuna dawa nyingi asilia zimeshatengenezwa na kufungwa kwenye vifungashio vya karatasi ambapo unaweza kutumia kirahisi kama majani ya chai ya kuchovywa. Dawa kwenye fomu hiyo zitapunguza muda wa kuandaa.

Namna ya kuandaa dikokshen ya dawa asilia

Dikokshen hutumika kuvuna kiini cha dawa ambacho hakiathiriwi na joto.

Ili kuandaa dikokshen ya dawa, chemsha magome au mizizi ya mmea kwa muda wa dakika 15 hadi 60 (hutegemea aina ya mmea au kiini cha dawa), kisha pooza na ongeza maji ya baridi ili kutengeneza kiasi cha dawa na wingi wa kiini unachohitaji.

Endapo dawa inatakiwa kuchemka kwa muda mrefu, unatakiwa ongezea kiasi cha maji yaliyopotea ili dawa isiungue.

Dozi ya dikoksheni ni sawa na infusheni yaani gramu moja ya mmea kwa mililita 10 za maji isipokuwa endapo dawa ina uteute mwingi, gramu moja inatakiwa kuchanganywa na mililita 20 za maji.

 

Namna ya kuandaa mmengenyo wa dawa

 

Kuandaa mmeng’enyo wa dawa kwa njia hii unatakiwa weka dawa yako kwenye chombo kisha ongeza maji yenye joto linalotakiwa, mara nyingi joto linatakiwa kuwa kati ya nyuzi za sentigrade 35 hadi 40 ikitegemea aina ya dawa. Lengo kuu la kuzingatia joto ni kutoharibu kiini cha dawa ambacho kinategemea joto.

Namna ya kuandaa masalesheni ya dawa

 

Ili kuandaa masalesheni ya dawa, saga au katakata dawa kwenye vipande vidodo vidogo sana kisha weka kwenye jaa ya kioo yenye kimiminika cha kufyonza dawa. Funika mchanganyiko na acha kwa muda wa siku tatu au zaidi kwenye joto la ndani ya nyumba.Baada ya kutimia kwa siku tatu, tikisa kwa nguvu mara nyingi ili dawa iingie kwenye kimiminika. Baada ya hapo chuja dawa na kamua unga au vipande ili dawa yote itoke. Baada ya hapo unaweza kuchuja dawa kwa ajili ya matumizi au kuifanyia dekatensheni ili kupata kiini safi cha dawa.

Namna ya kuandaa pakolesheni ya dawa

 

Hii ni njia maarufu ya kuandaa tinkcha ya dawa au kufyonza dawa kutoka kwenye kimiminika.  Njia hii inahitaji chombo maalumu chenye jina la pakoleta na unatakiwa kuwa mtaalamu zaidi kuandaa dawa kwa njia hii. Soma zaidi maelezo kwa kutumia linki chini ya tovuti hii.

 

Namna ya kuandaa dawa ya kufyonza kwa kimiminika

Njia hii huandaa dawa kutoka kwenye kimiminika chenye dawa au tishu za mnyama kwa kufyonzwa dawa hiyo kwa kutumia kimiminika kingine haswa pombe aina ya ehthanol  au maji.

 

Kiasi cha pombe na maji yanayowekwa hutegemea aina ya dawa. Njia hii inahitaji uwe mtaalamu wa kuandaa dawa, unaweza kujifunza zaidi namna ya kuandaa dawa kwa njia hii kupitia linki chini ya tovuti hii au tumia dawa ambazo tayari zimekwisha andaliwa.

Namna ya kuandaa tinkcha ya dawa

 

Tinkcha ya dawa huandaliwa kwa kufanya masalesheni au pakolesheni ya dawa kwa kutumia kimiminika cha pombe tu. Njia hii ni nzuri ya kuvuna kiwango cha kiini unachotaka kutoka kwenye mimea au mnyama. Soma zaidi kuhusu njia hii kupitia rejea chini ya Makala hii.

KUMBUKA:

 

Kama kuna haja ya kuchemsha dawa, hakikisha unatumia chomo kilichotengenezwa na udongo au sufuria za stainless steel na usifunike wakati wa kuchemsha ili kutoa sumu na kutobadili kiini cha dawa.

 

Usitumie dawa zaidi moja na kutibu tatizo moja au mawili tofauti ili kuepuka madhara na mwingiliano

Endapo unatumia dawa za hospitali, wasilina na daktari wako kukushauri ili kuepuka mwingiliano wa dawa na madhara yanayoweza kutokea.

ULY CLINIC inakushauri siku zote utafute msaada kutoka kwa daktari wako kabla ya kuchukua hatua yoyote ile baada ya kusoma makala hii

Wasiliana na daktari wa ULY Clinic kwa ushauri na Tiba kupitia kitufe cha 'Pata tiba' au 'Mawasiliano yetu' chini ya tovuti hii.

Imeboreshwa,

26 Agosti 2021 18:40:24

Rejea za mada hii;


1. https://alchetron.com/Combretum-glutinosum. Imechukuliwa 04.08.2021

2. Gedson Rodrigues de Morais Lim, et al. Bioactivities of the Genus Combretum (Combretaceae): A Review. https://www.ncbi.nlm.nih.gov/pmc/articles/PMC6268318/. Imechukuliwa 04.08.2021

3. Alowanou Géorcelin, et al. A review of Bridelia ferruginea, Combretum glutinosum and Mitragina inermis plants used in zootherapeutic remedies in West Africa: historical origins, current uses and implications for conservation. https://www.researchgate.net/figure/Leaves-of-Combretum-glutinosum-Alissou-2013_fig2_282445656. Imechukuliwa 04.08.2021

4. Alowanou, G.G., et al. In vitro anthelmintic effects of Bridelia ferruginea, Combretum glutinosum, and Mitragyna inermis leaf extracts on Haemonchus contortus, an abomasal nematode of small ruminants. Parasitology research, 118(4), pp.1215-1223.

5. Infusion methods. https://www.medicinalplants-pharmacognosy.com/pharmacognosy-s-topics/extraction-methods/infusion/#. Imechukuliwa 27.06.2021

6. Decoction extraction. https://www.medicinalplants-pharmacognosy.com/pharmacognosy-s-topics/extraction-methods/decoction/. Imechukuliwa 27.06.2021

7. Extraction methods digestion. https://www.medicinalplants-pharmacognosy.com/pharmacognosy-s-topics/extraction-methods/digestion/. Imechukuliwa 27.06.2021

8. Fluid extract. https://www.medicinalplants-pharmacognosy.com/pharmacognosy-s-topics/extracts/fluid-extract/. Imechukuliwa 27.06.2021

9. Tincture. https://www.medicinalplants-pharmacognosy.com/pharmacognosy-s-topics/extracts/tincture/. Imechukuliwa 27.06.2021

10. Perolation. https://www.medicinalplants-pharmacognosy.com/pharmacognosy-s-topics/extraction-methods/percolation/. Imechukuliwa 27.06.2021

11. Maceration. https://www.medicinalplants-pharmacognosy.com/pharmacognosy-s-topics/extraction-methods/maceration/. Imechukuliwa 27.06.2021

bottom of page