Azilsartan

Azilsartan ni dawa mojawapo ya kutibu shinikizo la juu la damu iliyopo kwenye kundi la dawa linaloitwa angiotensini II Risepta bloka. Dawa hii huwa maarufu kwa jina la Edarbi.

Rangi ya dawa

Rangi ya dawa hii ni nyeupe lakini mara nyingi hutegemea aina ya kiwanda kinachotengeneza.

Azilsartan inapaswa kutumika pamoja na chakula au pasipo chakula mara moja kwa siku kama utakavyoelekezwa na kushauriwa na daktari wako.

Hakikisha unakunywa dawa hii kama ulivyoshauriwa na daktari wako kila siku na kwa kiwango cha dozi uliyopewa. Dozi utakayopewa itategemea hali yako ya kiafya na jinsi mwili unavyokubali matibabu

Kukusaidia kukumbuka dozi yako, tumia muda sawa wa kunywa dawa kila siku. Ni muhimu kuendelea kutumia dawa hii hata kama haujisikii kuumwa maana mara nyingi wagonjwa wa shinikizo la juu la damu huwa hawaonyeshi dalili za kuumwa.

Uzito wa dawa

Azilsartan hupatikana katika mfumo wa kidonge chenye uzito wa milligram zifuatazo;

• 40mg

• 80mg

Namna dawa inavyofanya kazi ili kupunguza shinikizo la damu;

Dawa jamii ya ARBs ikiwa pamoja na Azilsartan hufanya kazi zifuatazo ili kupunguza shinikizo la damu;

Hufanya kazi kwa kufunga risepta za Angiotensin II zinazojulikana kwa jina la AT1 Risepta. Risepta hizi hupatikana kwenye moyo,mishipa ya damu na figo. Risepta hizi zinapofungwa hupelekea kutanuka kwa mishipa ya damu hivyo kuwa na kipenyo kikubwa na matokeo yake ni kushuka kwa shinikizo la damu.

Hupinga uzalishwaji wa homoni ya Aldosterone ambayo hutumika kuthibiti kiasi cha sodium na maji. Kiasi cha sodiamu kinapothibitiwa huweza kupunguza shinikizo la damu kwa hutanua kipenyo cha mishipa ya damu na kuruhusu damu kupita bila shinikizo la juu

Dawa zingine zilizo kwenye kundi moja na ARBs ni;

• Candesartan

• Olmesartan

• Eprosartan

• Irbesartan

• Losartan

• Telmisartan

Kazi ya dawa

Hutumika kwenye matibabu ya wagonjwa wenye shinikizo la damu la juu pamoja na dawa zingine za kushusha shinikizo la damu kama Diuretics

Utofauti wa pekee wa dawa hii na dawa zingine za kwenye kundi hili la (ARBs) ni;

Huwa na uwezo mkubwa wa kupunguza shinikizo la juu la damu la Systollic kwa masaa 24 ya kwanza kupita dawa zingine za kwenye kundi hili

Dawa hii haipaswi kutumika pamoja na dawa zifuatazo;

• Benazepril

• Captopril

• Enalapril

• Fosinopril

• Lisinopril

• Lithium

• Lofexidine

• Moexipril

• Perindopril

• Potassium Phosphate IV

• Quinapril

• Ramipril

• Trandolapril

Dawa hii haipaswi kutumika kwa wagonjwa wafuatao;

Wagonjwa wenye aleji na dawa hii au jamii ya dawa za ARBs pia haipaswi kutumika pamoja na dawa ya Aliskiren kwa wagonjwa wa kisukari

Dawa hii inapaswa kutumika kwa tahadhari kwa wagonjwa wafuatao;

• Wagonjwa wenye Haipakalemia

• Wagonjwa wenye Haipotension

• Wagonjwa wenye shida ya figo

Kwa mama mjamzito na anayenyonyesha

Kwa mama mjamzito haipaswi kutumika, itumike tu endapo endapo faida za dawa ni kubwa kuliko madhara kwa mtoto. Madhara kwa mtoto ni haipotension, figo kuferi na kifo.

Mama anayenyonyesha

Haipaswi kutumika kwa mama anayenyonyesha sababu haijulikani kama inatolewa kwenye maziwa

Baadhi ya maudhi madogo ya dawa hii ni;

• Kichefuchefu

• Kuharisha

• Misuli kukaza

• Kizunguzungu

• Haipotension

• Angioedema

Je endapo utasahau dozi yako ufanyaje?

Endapo ukisahau kunywa dozi yako kunywa mara pale utakapokumbuka na endapo muda wa dozi nyingine umekaribia acha dozi uliyoisahau na endelea na dozi yako kama ulivyopangiwa na daktari wako.