Dawa ya Cephalothin

Cephalothin ni aina ya dawa ambayo ipo kwenye kundi la kwanza la antibayotiki jamii ya Cephalosporin. Dawa hii huwa maarufu kwa jina la Cefalotin

Rangi na fomu ya Cephalothin

Rangi ya dawa ni nyeupe lakini mara nyingi hutegemea aina ya kiwanda kinachotengeneza Cephalothin hupatikana katika mfumo wa unga ambao hutumika kwa ajili ya sindano katika Milligramu zifuatazo; Tembe

• 250 mg • 500 mg • 750 mg

Namna Cephalothin inavyofanya kazi

Dawa hii hufanya kazi kwa kuzuia ukuaji wa bakteria kwa kuzuia utengenezaji wa peptidoglacan ambayo huunda ukuta wa seli kwenye bakteria ,Kwa kufanya hivyo hupelekea kufa kwa bakteria

Dawa zilizo kundi moja na cephalothin

Dawa zingine zilizo kwenye kundi moja la Cephalosporin ya kwanza ni ;

• Cefazolin • Cefadroxil • Cephalexin • Cephapirin • Cephradine

Kazi ya cephalothin

Hutumika kama kinga ya kuzuia Maambukizi wakati wa upasuaji na pia hutumika kwa ajili ya kupambana na Maambukizi mbalimbali kwenye damu, mifupa na Ngozi

Utofauti wa cephalothin na dawa zingine kwenye kundi moja

Utofauti wa pekee wa dawa hii na dawa zingine za kwenye kundi hili la cephalosporin daraja la kwanza ni

• Dawa hii hutolewa mwilini kwa njia ya mkojo kwa asilimia kubwa zaidi kuliko njia zingine. • Dawa hii nusu ya maisha ya dawa hii ni nusu saa mpaka saa 1 tangu itumike mwilini

Dawa usizopaswa kutumia pamoja na cephalothin

Dawa hii haipaswi kutumika pamoja na dawa zifuatazo • Argatroban • Bivalirudin • Dalteparin • Enoxaparin • Fondaparinux • Heparin • Warfarin • Bazedoxifene • Dienogest • Estradiol • Ethinylestradiol • Probenecid

Wagonjwa wasiopaswa kutumia Cephalothin

Wagonjwa wenye aleji na dawa hii au jamii ya dawa za cephalosporin

Tahadhari Cephalothin

• Dozi yake inapaswa kupunguzwa kwa mgonjwa mwenye shida ya figo • Matumizi ya muda mrefu huweza kupelekea fangasi kwenye mwili

Matumizi ya cephalothin kwa mama mjamzito

• Dawa hii ipo kwenye kundi B la usalama kwa mama mjamzito • Dawa hii inaweza kutumika kwa mama mjamzito ,Tafiti za wanyama hazionyeshi hatari yeyote kwa mjamzito

Matumizi ya cephalothin kwa mama anayenyonyesha

Inaweza kutumika kwa mama anayenyonyesha sababu hakuna madhara yeyote yaliyoripotiwa

Maudhi ya cephalothin

Baadhi ya maudhi madogo ya dawa hii ni; • Maumivu ya tumbo • Kichefuchefu • Kutapika • Kuharisha • Homa

Endapo umesahau dozi ya cephalothin

Je endapo utasahau dozi yako ufanyaje? Endapo ukisahau kutumia dozi yako tumia mara pale utakapokumbuka na endapo muda wa dozi nyingine umekaribia acha dozi uliyoisahau na endelea na dozi yako kama ulivyopangiwa na daktari wako