Dawa ya Chlortetracycline

Chlortetracycline ni aina ya dawa mojawapo ya antibayotiki ambayo hutumika kupambana na Maambukizi mbalimbali kwenye mwili. Dawa hii huwa maarufu kwa jina aureomycin.

Fomu ya dawa

Chlortetracycline hupatikana katika mfumo wa kidonge na mafuta kwa ajili ya kupaka

Namna dawa inavyofanya kazi

Dawa hii hufanya kazi kwa kuzuia ukuaji wa bakteria kwa kuzuia utengenezaji wa protini kwenye bakteria

Dawa zilizo kundi moja na Chlortetracycline

• Tetracycline • Oxytetracycline • Demexlocycline • Doxycycline • Minocycline • Methacyxline • Rolitetracyxline

Kazi ya dawa Chlortetracycline

Hutumika kwenye matibabu ya maradhi madogo ya ngozi

Utofauti wa pekee wa Chlortetracycline na dawa zingine za kwenye kundi hili la (Tetracycline)

• Dawa hii hutolewa mwilini kwa njia ya kinyesi kwa asilimia kubwa zaidi kuliko njia zingine. • Dawa hii nusu ya maisha ya dawa hii ni masaa 5 hadi 6 tangu itumike mwilini

Usitumie Chlortetracycline na dawa zifuatazo

• Acitretin • Flibanserin • Lomitapide • Tretinoin • flibanserin • lomitapide • tretinoin • Aluminum hydroxide • Aminolevulinic acid • Amoxicillin • Ampicillin • Apalutamide • Atracurium • Avapritinib • Axitinib • Bismuth subsalicylate • Bosutinib • Calcium acetate • Calcium carbonate • Calcium chloride • Calcium citrate • Calcium gluconate • Carbonyl iron • Cisatracurium • Cobimetinib • Dicloxacillin • Eliglustat

Wagonjwa wasiopaswa kutumia Chlortetracycline

Dawa hii haipaswi kutumika kwa wagonjwa wafuatao • Wagonjwa wenye aleji na dawa hii au jamii ya dawa za tetracycline • Wagonjwa wa ini

Tahadhari ya dawa hii

Dozi yake inapaswa kupunguzwa kwa mgonjwa mwenye shida ya figo

Matumizi ya Chlortetracycline kwa mama mjamzito

Kwa mama mjamzito na anayenyonyesha

• Dawa hii ipo kwenye kundi B la usalama kwa mama mjamzito • Dawa hii inaweza kutumika kwa mama mjamzito. Tafiti za wanyama hazionyeshi hatari yeyote kwa mjamzito

Matumizi ya Chlortetracycline kwa mama anayenyonyesha

Inaweza kutumika kwa mama anayenyonyesha sababu hakuna madhara yeyote yaliyoripotiwa

Maudhi ya Chlortetracycline

Baadhi ya maudhi madogo ya dawa hii ni; • Kizunguzungu • Kichefuchefu • Kutapika • Kuvimba mdomo • Maumivu kwenye sehemu ya juu ya tumbo

Je endapo utasahau dozi yako ufanyaje?

Endapo ukisahau kunywa dozi yako kunywa mara pale utakapokumbuka na endapo muda wa dozi nyingine umekaribia acha dozi uliyoisahau na endelea na dozi yako kama ulivyopangiwa na daktari wako