Dawa ya Phentolamine

Phentolamine ni dawa mojawapo ya kutibu shinikizo la juu la damu Iliyopo kwenye kundi la dawa linaloitwa Alpha Risepta Antagonisti.

Dawa hii iliyo maarufu kwa majina ya Regitine na Ora Verse huwa na rangi nyeupe lakini mara nyingi hutegemea rangi ya kiwanda kilichotengeneza dawa

Dawa hii inaweza kutumika pamoja na chakula?

Ndio, phentolamine inapaswa kutumiwa pamoja na chakula mara mbili kwa siku kama utakavyoelekezwa na kushauriwa na daktari wako.

Mfumo wa dawa ni upi?

Phentolamine hupatikana katika mfumo wa unga kwa ajili ya sindano katika milligram 5

Namna dawa inavyofanya kazi;

Dawa jamii ya Apha Risepta Antagonisti ikiwa pamoja na phentolamine hufanya kazi zifuatazo;

Hufunga milango ya seli yenye jina la Alpha adrenorisepta hivyo kupelekea kulegea na kutanuka kwa kipenyo cha mishipa ya damu. Kulegea na kutanuka kwa misuli ya mishipa ya damu hufanya damu ipite kirahisi na matokeo ni kushuka kwa shinikizo la damu.

Dawa zingine zilizo kwenye kundi moja na dawa hii ni;

• Alfuzosin

• Bunazosin

• Doxazosin

• Indoramin

• Phenoxybenzamine

• Prazosin

• Tamsulosin

• Terazosin

• Urapidil

Kazi ya dawa:

Hutumika kushusha shinikizo la damula juu(presha) kwa wagonjwa wa saratani ya kwenye matibabu ya wagonjwa wa saratani ya pheochromocytoma

Hutumika kushusha shinikizo la juu la damu wakati wa upasuaji kwa mgonjwa mwenye pheochromocytoma

Utofauti wa pekee wa dawa hii na dawa zingine za kwenye kundi hili la (Alpha Risepta Antagonisti)

Dawa hii huongeza kiasi cha pyruvate kwenye damu tofauti na dawa zingine kwenye kundi hili

Dawa hii haipaswi kutumika pamoja na dawa zifuatazo;

• Lofexidine

• Sildenafil

• Tamsulosin

• Vardenafil

• Yohimbe

Dawa hii haipaswi kutumika kwa wagonjwa wafuatao:

Wagonjwa wenye aleji na dawa hii dawa zingine jamii ya Alpha Risepta Antagonisti

Tahadhari ya dawa hii

Dozi ya kwanza ya dawa hii huweza kupelekea kushuka ghafla kwa shinikizo la damu na kuleta haipotensheni

Kundi la dawa kipindi cha ujauzito

Dawa hii ipo kwenye kundi C la usalama wa dawa kipindi cha ujauzito

Matumizi kwa mama mjamzito

Dawa hii inaweza kutumika kwa tahadhari kwa mama mjamzito endapo faida ni nyingi kuzidi hatari

Matumizi kwa mama anayenyonyesha

Haipaswi kutumika kwa mama anayenyonyesha sababu haijulikani kama hutolewa kwenye maziwa baada ya kutumia dawa hii

Baadhi ya maudhi madogo ya dawa ni;

• Pua kubana

• Maumivu sehemu ya sindano

• Kuharisha

• Maumivu ya kifua

• Haipotension

Mengine yanayofanyika Mwilini

Kiwango cha juu cha dawa kwenye damu hufikiwa ndani ya dakika 10 hadi 20 na nusu maisha ya dawa mwilini ni dakika 19

Mabaki yake hutolewa kwa njia ya Mkojo kwa asilimia 13

Je endapo utasahau dozi yako ufanyaje?

Endapo ukisahau dozi yako ya sindano unapaswa kuchomwa mara pale utakapokumbuka na endapo muda wa dozi nyingine umekaribia acha dozi uliyoisahau na endelea na dozi yako kama ulivyopangiwa na daktari wako